Қазақстанда полицейлер үйлер мен пәтерлерді аралайтын болады

Ішкі істер министрлігінің ресми өкілі Нұрділдә Ораз Қазақстанда 1 қыркүйектен 1 желтоқсанға дейін "Участок" жедел алдын алу шарасы өткізілетінін мәлімдеді, деп хабарлайды Stan.kz ақпарат агенттігі.

Шара аясында полицейлер тұрғындармен танысу үшін барлық пәтерлер мен үйлерді аралайтын болады. Тіпті алыстағы ауыл-аймақтар да қамтылмақ.

Нұрділдә Ораз бұл шара аймақтардағы құқық бұзушылықтардың алдын алу  үшін жүргізіліп жатқанын айтты.

"Шара кезінде оларға тағайындалған әкімшілік учаскелердегі учаскелік полиция инспекторлары тұрғындармен танысу, сондай-ақ әртүрлі құқық бұзушылық жасаған адамдарды анықтау үшін үйлер мен пәтерлерді аралайды. Сонымен қатар ішкі істер органдарында есепте тұрған азаматтар тексеріледі”, – деп түсіндірді ол.

Азаматтық қарудың иелері мен шетелдіктер де бақылау аймағында.

• Елімізде тағы бір тұрғын үй бағдарламасы жабылмақ


• "Саусағын шайнап, сүйегін сындырып алады, бірақ ештеңе сезбейді": 2 жастағы қазақстандық сәби сирек дертке шалдыққан

"Сонымен қатар полицейлер саяжайларды, құрылыс нысандарын, оның ішінде қираған үйлер мен ғимараттарды, шатырлар мен жертөлелерді тексеруде. Ауылдық жерлерде негізгі күш-жігер қыстауларды тексеруге және тұрақты мекенжайы жоқ адамдарды анықтауға, заңсыз пайдалану фактілерді анықтауға бағытталмақ", – деп қорытындылады ол. 

Учаскелік инспекторлар жергілікті әкімдіктердің өкілдерімен бірге бар проблемалық мәселелерді зерттеу және шешу үшін халықпен кездесулер өткізеді.