Температура нормадан жоғары: Қазан айына арналған ауа райы болжамы жарияланды
Қазгидромет қазан айына арналған ауа райының консультативтік болжамын ұсынды. Бұл туралы Stan.kz ақпарат агенттігі хабарлайды.
Синоптиктер қазан айында ауаның орташа айлық температурасы республиканың басым бөлігінде климаттық нормадан 1–2°С жоғары болатынын айтады.
Ал Шығыс Қазақстан облысында, Павлодар облысының солтүстік-шығыс жартысында және Абай облысында норма шамасында күтіледі.
"Қазан айында жауын-шашын мөлшері республиканың басым бөлігінде норма шамасында болады деп болжанады. Батыс Қазақстан облысының басым бөлігінде, Атырау облысының батысында, Маңғыстау облысының батысында, Ақтөбе облысының солтүстігінде, Қостанай облысының солтүстік-батысында нормадан жоғары жауын-шашын күтіледі", - деп болжады синоптиктер.
Ал Жамбыл облысының басым бөлігінде, Жетісу облысында, Қызылорда облысының оңтүстік-шығыс жартысында, Ұлытау облысында, Қарағанды облысының оңтүстік жартысында, Абай облысында, Түркістан облысының солтүстік жартысында және Алматы облыстарында жауын-шашын мөлшері нормадан аз болады деп болжанады.
Қазақстанның басым бөлігінде ауаның орташа айлық температурасы +3, +10°С, республиканың оңтүстік жартысында +11, +16°С аралығында күтіледі.
"Қолынан сүйіп, денесін ұстаған": Алматыда 15 жастағы қыз такси жүргізушісінің әрекетінен шошып қалған
Қыздың адвокаты істі қылмыстық тұрғыда тексеруді сұрады
Мысықты қинап ауызына насыбай тыққан: Әлеуметтік желіде таралған бейнероликке полиция жауап берді
Тик-токта мысықтың ауызына насыбай тыққан бала халықтың ашуын туғызды