Қазақстан құрамасының футболдан Еуро-2024 турнирінің соңғы іріктеу кезеңін қай жерде өткізетіні белгілі болды

Бүгін, 23 қарашада Ньон қаласында (Швейцария) жеребе тарту рәсімі өтті. Онда УЕФА Ұлттар лигасының әрбір жолындағы жартылай финалдық жұптардың қайсысы өз алаңында плей-офф финалында ойнау құқығына ие болатынын анықтау үшін жеребе тартылды. Бұл туралы Stan.kz ақпарат агенттігі Vesti.kz сайтына сілтеме жасап хабарлайды.

Грузия-Люксембург матчының жеңімпазы Грекия немесе Қазақстанға қарсы C жолының финалында алаң иелері атанады. Демек Магомед Адиевтің командасы Еуро-2024 финалдық кезеңіне жолдама алу үшін Ұлттар лигасының плей-офф кезеңінде екі рет қонақта жеңіске жетуі керек.

Уэльс пен Финляндия матчының жеңімпазы А жолының финалын қабылдайды және Польша немесе Эстония құрамаларының бірін қабылдайды.

• "Біз Янмен біргеміз": Футболдан ел құрамасының ойыншылары Словениядағы ойыннан кейін халықтың сынына ұшыраған қорғаушыны қолдап, жазба қалдырды


• "Футбол да музыка сияқты, әлемді біріктіреді": Димаш Құдайбергенов УЕФА-ның штаб-пәтеріне барды

Босния және Герцеговина - Украина матчының B жолының жеңімпазы финалдық ойында Израиль немесе Исландия құрамаларына қарсы өтеді.

Жартылай финал 2024 жылы 21 наурызда, ал финал 26 наурызда өтеді. Жеңімпаз еуроға жолдама алады.