Тұтынушылардың шағымдары негізінен отандық туристік компанияларға қатысты. Демалыс орындарында қызмет көрсетудің нашарлығы, қарапайым санитарлық жағдайдың жоқтығы демалушылардың шағымдарының шағын тізімі ғана. Тұтынушылар лигасы келеңсіздікке мемлекеттік органдардың әрекетсіздігі себеп деп есептейді.

Алакөл көлі қазақстандықтардың танымал демалыс орындарының бірі. Курорт әлеуметтік желілерде белсенді түрде жарнамаланады. Ислам Иргашев есімді жігіт туристік компаниядан билет сатып алған. Ол демалыс орындарының біріндегі пансионаттан орын алған. Әкімшінің талабы бойынша олар жалпы соманың 50 пайызын төлеген. Алайда келгеннен кейін пансионаттан орындарын таба алмаған.

“Резиденцияға келгенімізде "орын жоқ" деп, "Алтын балық" пансионатына кіргізді. Алайда онда 4,5 сағаттан кейін соңғы болып тіркелдік. Алайда біз "Достар" пансионатына бардық. Бұл мәселені қайда жеткізу керегін гидтерден сұрадым, олар арнайы ұйымдарға шағымдануға болатынын айтты. Ұйымға хабарластым, алайда олар мені елемеді”, – деді турист жігіт.

Жыл басынан бері туристік қызмет көрсету сапасына көңілі толмайтын қазақстандықтардан 275 шағым түскен. Бұл көрсеткішті Тұтынушылардың құқықтарын қорғау комитеті мәлімдеді.

“Туроператорлар туристердің келісімінсіз келісім-шарттың талаптарын өзгертуі мүмкін. Бұл қосымша мәселелерге әкеледі”, – деді Сауда және интеграция министрлігі мемлекеттік саясатты қалыптастыру департаменті тұтынушылардың құқықтарын қорғау комитетінің бас сарапшысы Меруерт Өлкеева.

Сондай-ақ әлеуметтік желілерде жүргізілген сауалнама нәтижесінде пайдаланушылардың 51 пайызы демалыс кезінде сапасыз қызметке тап болғанын айтты.

Тұтынушылар лигасы, туризм саласындағы мұндай қызмет көрсетудің себептері мемлекеттік органдардың әрекетсіздігі дейді.

“Туристік қызметтің Бірыңғай ұлттық стандарты жоқ. Кейбір кәсіпорындардың лицензиясы мүлдем жоқ, мысалы, шағын демалыс орындары. Ұлттық стандарттарды жасау үшін оның қандай бизнес екенін, бизнес-жоспардың қандай екенін анықтау керек. Біздің сот тәжірибесі өте нашар болғандықтан, адамдар сотқа сенбейді. Тіпті барғысы келмейді. Сондықтан кәсіпкерлер өздерін жазасыз деп санайды”, – дейді Қазақстан тұтынушыларының ұлттық лигасының президенті Светлана Романовская.

Тұтынушылар лигасы болашақ демалушыларға туристік компаниялармен келісім жасауға кеңес береді. Мұнда тұру және брондау шарттары айтылады. Төлем кассалық кіріс ордерімен расталуы керек. Ал заңды құқықтары бұзылған жағдайда сотқа талап арыз беруі керек.

Талқылау