Қарағандыдағы жарылыс Миттал шахталардан бас тартуға келісім бергеннен кейін бір апта өтпей жатып болған
Қарағандыдағы жарылыс инвестор "АрселорМиттал Теміртау" (үнді магнаты Лакшми Митталдың бақылауында) кәсіпорынын Қазақстанға беруге келіскеннен кейін бір аптадан аз уақыт ішінде болған. Бұл туралы Ұлттық экономика министрі Қанат Шарлапаев мәлімдеді, деп хабарлайды Stan.kz ақпарат агенттігі.
Министрдің айтуынша, үкімет "АрселорМиттал” компаниясымен келіссөздерді ұзақ уақыт бойы жүргізіп келген.
“Біз "АрселорМиттал” компаниясымен 22 қазан – жексенбіде алдын ала құжаттарға қол қойдық. АрселорМиттал” да өз тарапынан бұл қол қою шахтадағы қайғылы оқиғаның алдында болғаны туралы ақпаратты растады. Сондықтан бұл тез арада орын алды деу – дұрыс емес, бұл үкіметтің "АрселорМиттал”-мен жасаған ұзақ мерзімді жұмысы. АрселорМитталмен (кәсіпорынды мемлекет меншігіне өткізу туралы – ред.) алдын ала келісімдерге 22 қазанда қол жеткізілді”, – деді Шарлапаев сейсенбіде өткен брифингте.
Оның айтуынша, қазір билік "бұл инвестордың "АрселорМиттал Теміртау" акционерлері құрамынан шыққаннан кейін Қазақстанды одан әрі сот процестерінен қорғау үшін егжей-тегжейлі құқықтық жұмыстарды жүргізіп жатыр".
- “АрселорМиттал Теміртаудың” жаңа инвесторы Серік Ахметов пе, әлде шетелдікке беріле ме - Министр жауап берді
- Костенко шахтасындағы апаттан кейін Миттал қандай жауапкершілікке тартылады - Министр түсіндірді
- Қазақстан бұдан былай "АрселорМиттал" атауын қолданбайтын болды
Шарлапов сондай-ақ кәсіпорын өзін-өзі қамтамасыз етіп, тұрақты табыс әкелетіндіктен, кәсіпорынды мемлекеттік балансқа қабылдау кезінде ел бюджеті қосымша шығынға ұшырамайтынына сендірді.
Естеріңізге сала кетейік, 28 қазанда Костенко шахтасында метан газы жарылған. Соққы толқынының таралу диапазоны 2 км-ден асқан. Апат кезінде жер астында 252 шахтер болған деп айтылады. 206-сы өз бетімен жер үстіне шыққан. Қалғандары сыртқа шыға алмай қалған.
Алдын ала мәлімет бойынша, апатқа көмір оятын орыннан өрттің шығуы себеп болған.
29 қазан елімізде жалпыұлттық аза тұту күні болып жарияланды. Бүкіл елде жалау түсіріліп, барлық ойын-сауықтар тоқтатылды.
Апаттан кейін президент Қасым-Жомарт Тоқаев Қазақстан үкіметіне "АрселорМиттал Теміртау" АҚ-мен ынтымақтастықты тоқтатуды тапсырды. Қарағанды облысында кеншілердің өліміне қатысты қылмыстық іс қозғалғаны белгілі болды. Үкімет "АрселорМиттал Теміртау" АҚ меншігін Қазақстанның пайдасына беру жөніндегі мәміле қазірдің өзінде аяқталып жатқанын мәлімдеген.
Айта кетейік, бұған дейін егер Лакшми Миттал кінәлі деп танылса, құқық қорғау органдары оны жауапқа тартуға құқылы екені айтылған.
Қазақстанда Лакшми Митталды қылмыстық жауапкершілікке тартуды талап ететін петицияға қол жинау басталды.
31-қазанда Төтенше жағдайлар министрі Сырым Шәріпханов Қарағанды облысындағы Костенко шахтасында қаза тапқан кеншілердің соңғысының денесі табылғанын мәлімдеді.