Евгений Кочетов Президент Әкімшілігінде жаңа қызметке тағайындалды

Мемлекет басшысының өкімімен Қанат Құлшыманов пен Евгений Кочетов жаңа лауазымға тағайындалды. Бұл туралы Stan.kz ақпарат агенттігі хабарлайды. 

Ақорда бірнеше кадрлық өзгерісті атады.

“Мемлекет басшысының өкімімен Евгений Кочетов Қазақстан Президенті Әкімшілігінің Коммуникациялар бөлімінің меңгерушісі лауазымына тағайындалды”, – делінген хабарламада.

Евгений Дмитриевич Кочетов — қазақстандық мемлекеттік қызметкер, медиа және коммуникация саласының маманы. 

• Қазақ гуманитарлық-заң университетін және М.В. Ломоносов атындағы Мәскеу мемлекеттік университетін бітірген.
• 2016–2017 жылдары Президент жанындағы Орталық коммуникациялар қызметінің директоры болған.
• 2017–2018 жылдары "Қазконтент" АҚ басқарма төрағасы қызметін атқарған.
• 2023 жылы Ақпарат және қоғамдық даму вице-министрі болып тағайындалған.
• Кейін Мәдениет және ақпарат вице-министрі қызметін атқарған. 

Оқыңыз

Әскердің жауынгерлік әзірлігі мен әскери шығындар: Тоқаев қорғаныс министрлігіне бірқатар тапсырма берді Оқыңыз

Ол 1987 жылғы 5 қыркүйекте Қостанай облысында дүниеге келген. Л.Н. Гумилев атындағы Еуразия ұлттық университетінде журналистика мамандығы бойынша бакалавриат пен магистратураны тәмамдап, PhD дәрежесін алған. 

Еңбек жолы:

• 2007 жылы "ҚазАқпарат" агенттігінде тілші болып бастаған.
• 2017–2019 жылдары Ақтөбе облысы әкімінің баспасөз хатшысы болған.
• 2019–2020 жылдары Еңбек және халықты әлеуметтік қорғау министрлігінің баспасөз хатшысы қызметін атқарған.
• 2021–2022 жылдары "ҚазМұнайГаз" ұлттық компаниясының баспасөз қызметін басқарған.
• 2022–2024 жылдары Премьер-министрдің баспасөз хатшысы әрі баспасөз қызметінің жетекшісі болған.
• 2025 жылғы наурыздан бастап Президент Әкімшілігінің Коммуникациялар бөлімін басқарған.

Еске салсақ, Сыртқы істер министрі Ермек Көшербаев жаңа қызметке тағайындалған еді.