Соңғы ЖАҢАЛЫҚТАР
БАРЛЫҚ ЖАҢАЛЫҚТАР

Емші бала Ерболсын тойларда әнді тегін айтатын болып шықты: Ол енді емшілігін тастай ма?

Халық арасында Үкілі бала есіммен танылған аралдық емші Ерболсын Серікбай жақында ғана парақшасына тойда ән айтып тұрғанын жүктеген еді. Жұрттың көкейін емшілікті тастап, тойда ән айтып кетті ма деген сұрақ мазалады. Расында Үкілі бала емшілікті тастады ма, бір тойға қаншаға шығады? Бұл туралы Stan.kz тілшісіне берген сұхбатында. 

ерболсын

Қазіргі таңда "Емдеу ісі" мамандығы бойынша білім алып жатқан Ерболсын емшілік өзіне Алладан берілген бақ деп біледі. Және оны қалаған уақытында тастап кете алмайтынын айтады. Инстаграм парақшасына тойда ән айтып тұрған видеосын жүктеген сәттен бастап емшілікті тастап кеттің ба деп сұрайтындар көп көрінеді. Осы сұрақты өзіне қойғанымызда: 

"Тойларда ән айтып шықпаймын. Әнші емеспін. Туысқандарымның ғана  тойларында ән айтамын. Туысқандарымның тойында айтатын болғандықтан ешқандай ақша алмаймын. Емшілікті әлі күнге дейін жалғастырып келе жатырмын. Түсінбейтінім емшілікті неге бірден тастады деп ойлайсыздар?!",- дейді емші бала.

Мүмкін келешекте өнер жолын таңдап кетерсіз деген сұрағымызға:

"Өнер жолына түсетін ойым жоқ. Тек ғана хобби ретінде ән айтамын", - деп кесіп айтты. 

Ерболсын бойындағы емшілік қасиет ата-бабасынан емес, Алладан қонғанын айтады. "Осыны түсінбей, қаралауға, күйе жағуға асығып, қасиетіме күмәнмен қарайтындар көп" дейді. 

"Көзімді ашқалы адамдарды емдеп, қарап келе жатырмын. Емшілік киім емес. Кез-келген уақытта шешіп тастап, ақша керек кезде қайта киемін дей алмайсың. Бұл қасиетті "бір рет кидім" ба, оны "шешпеймін". Неге десеңіз, бұл Алланың бергені. Басыма қонған бағым. Осы қасиет миллиондаған адамдардың бәріне неге қона салмайды?! Мұндай бақ тек қана миллиардтардың ішінде бір адамға ғана бұйырады",  - дейді өзіне және қасиетін сенімді Үкілі бала.. 

ерболсын

Басты мақсаты ретінде тек қана ақша табуды көздеген емшілер туралы Ерболсын: "Қазір біліксіз, істің байыбына бара бермейтін "емшілер" нағыз емшілердің абройына кір келтіреді. Сондайлардың көбісі «жындар, шайтандар. Бұған бармаңыздар» деп айтады. Бұлай жамандап, біреудің күнәсіна батуға болмады. Көзіңмен көріп барып, нақты дәлелдермен айтсын. Ал сырттан отырап алып жамандау-күнә", - дейді

Алладан келген емнің тек себепкері екенін айтып түсіндірген Ерболсын емшінің бойына тағы да басқа қасиеттер қонатынын айтады:

"Емге келіп жатқан адамдардың балалары жүре алмай келіп, жүріп кетеді. Ол менің емес, Алланың арқасы. Олар Алладан сұрап келеді. Мен себепшімін. Құран оқып, дем салып жіберемін. Барлық көмек Алладан. Емшілік қонған адамның бойында одан өзге әншілік, өлең жазу  деген сынды қасиеттер болады. Өз бойымдағы қасиетті тек емшілік немесе бақсы, көріпкелділік деп айта алмаймын. Қазіргі мен ұстанатын жол: дәрігерлік пен емшілік. Екеуін қатар алып жүрмін. Кейбір ауруы бар адамдарға дәрілер де жазып беремін, сүре оқып, дем саламын, ине салып, хиджама да жасаймын. Соның барлығын бір арнада тоғыстырып жүрген адаммын. Оны жаман нәрсе деп қабылдай алмаймын. Керісінше, адамдарға көмегім тиіп жатса, неге істемеске?", - деген пікірде ел аумағында кең танымалдылыққа ие болып үлгерген жасөспірім.

ерболсын

"Баласы жазылып кеткен ата-ана Аллаға шүкірлік айтып, көзіне жас алып жатады. Бұл - үлкен сауап. Көре алмайтын адамдар білмей жатып тон пішуге даяр. Мен көріпкелдер мен экстрасенстерге сене бермеймін. Аллаға серік қосу деген сол болады. Құранмен емдейтін емшілік пен медицина жолын қатар ұстайтын адамды өте қатты құрметтеймін", - деп Ерболсын емшілік жолдың харам емес екенін айтады.

Сондай-ақ дәстүрлі медицина мен халық емі бір-біріне қарама-қарсы нәрсе емес па дегенге қатысты ол: "Ешқандай қарама-қарсы келетін тұстары болмайды. Өйткені мен Құран-Кәріммен емдеймін. Менің ойымша медицина мен қазақы ем бір-біріне қарсы келмейді.  Емді ата-бабамнан деп емдейтін кісілердікі қарсы келуі мүмкін" - деп жауап беріп, ғылыми медицина мен бойына қонған қасиетін ұштастыратынын айтты.

"Ең бастысы мен ешкімге құмалақ ашпаймын, ем бір Алладан, мен - себепкермін" деген Ерболсын осыдан бірер жыл бұрын, дін жолына түсіп, намаз оқығысы келетінін, бірақ реті болмай жүргенін айтқан еді. Бұған қатысты жас емші: "Намаз оқымай жүргеніме емшілігімінің қатысы жоқ. Қазір медицинада оқып жатқан соң қолым тимейді. Күнделікті шаруа мен жұмыстан босамаймын. Оқуды бітіргеннен кейін міндетті түрде оқимын", - деп жауап берді. 

 

Cұхбаттасқан: Жанна Мәлік

Ескерту! Эксклюзив материалды көшіріп басу үшін редакцияның хат түріндегі рұқсаты қажет! Хат түріндегі рұқсат берілген жағдайда, эксклюзив материалды жарияланған уақытынан 24 сағаттан кейін ғана көшіруге рұқсат беріледі.

Соңғы ЖАҢАЛЫҚТАР

Диетасыз арықтаудың тиімді жолы табылды

Жай пиццаның өзінде 678 калория бар, үлкен пиццада — 1923

Танымал тележурналист Димаш Құдайбергенді әлемнің жаңа секс-символы атады 

Әнші "Olympic" атты әсем әнімен Сочи қаласында өтетін "Новая волна" жас дарындар байқауын ашты

Қазақстандық әйел бір жыл бұрын ресейлік экс-күйеуі алып қашқан баласымен қауышты

Ашынған ана Владимир Путиннен баланы қайтарып беруді сұраған

"Бала ауырса, ата-ана қарым-қатынасына мән бергені жөн": Ментальды ауытқуы бар адамдарды қалай емдеуге болады

Маман ментальды ауытқуы бар адамдарды еңбектің көмегімен емдеуге болатынын айтты

"Тығып қойған ақшамның бар екенін ұмыттым": бойжеткен миллиондап жинаған ақшаны аққұмырсқалар жеп қойды

Бойжеткен жергілікті банкке барып, бір миллион рупийін ауыстырып алды

Қатыгез балалар: Нұр-Сұлтан тұрғыны итті оны өлтіре жаздаған жасөпірімдерден құтқарды (видео)

22 тамыз күні 12, 10 және 7 жастағы төрт жасөспірімнің итті ағашқа байлап, ұра бастағандығы белгілі

Шымкентте Ұлттық гвардия жауынгерлері матч кезінде алаңға шығып, төрешіні қорғады

Футболшылар төрешімен сөзге келіп қалды

"Барма, әйтпесе түтіп жейді": Желіде Назарбаевтың кеншілердің алдында сөйлеген сөзінің видеосы пайда болды

Ол жылдары еліміздің тұңғыш президенті Қазақстан компартиясы ОК-нің хатшысы ретінде қызмет еткен

"Кез келген уақытта жарылып кете салуың мүмкін": Кеншілер еңбегін жоғары бағалауды сұрады

Ержан Қонақбаев: Алатын ақшамыз үшін шүкір, бірақ еңбегіміз бұдан да жоғары бағаланса жақсы еді

Қатерлі ісікке шалдыққан спортшыға шұғыл түрде донор қажет

"Тобол" клубының экс-футболистіне диагноз шамамен үш жыл бұрын қойылған
Çàãðóçêà...