16 наурыздағы сауда қорытындысы бойынша доллар 486,2 теңгеге дейін төмендеген. Бұл жұма күнгі деңгейден 4,49 теңгеге төмен.
Қазақстанда шетел азаматтарына арналған казино аймақтары кеңейеді
Қазақстандағы микрофинанстық ұйымдар 2025 жылы қанша табыс тапқаны белгілі болды
Айта кетейік, бұл – соңғы бір жыл және бес айдағы ең төменгі көрсеткіш. Бұдан да төмен доллар бағамы соңғы рет биржада 2024 жылғы 24 қазанда тіркелген – 485,11 теңге. Қазақстан Ұлттық банкінің дерегінше, дәл осы көрсеткіш кейінгі төрт күнге ресми бағам ретінде белгіленген.
Ал елдің ірі қалаларындағы айырбастау пункттері бүгін сағат 15:30-дағы жағдай бойынша, Kurs.kz порталының мәліметінше, қолма-қол доллар үшін мынадай сатып алу және сату бағамдарын белгіледі:
Астана: сатып алу – 484-тен 485 теңгеге дейін, сату – 491-ден 492 теңгеге дейін;
Алматы: сатып алу – 481-ден 487 теңгеге дейін, сату – 487-ден 492 теңгеге дейін;
Шымкент: сатып алу – 485-тен 486,5 теңгеге дейін, сату – 487,5-тен 488,5 теңгеге дейін.
Соңғы бір жылдағы ең төменгі деңгейге еуро бағамы да жақындап келеді. Биржада ол шамамен 6 теңге арзандады. Бүгін сағат 15:30-дағы жағдай бойынша оның орташа салмақталған бағамы 556,52 теңге болды.
Елдегі айырбастау пункттері қолма-қол еуроға мынадай сатып алу және сату бағамдарын белгіледі:
Астана: сатып алу – 549-дан 553 теңгеге дейін, сату – 559-дан 562 теңгеге дейін;
Алматы: сатып алу – 550-ден 556,7 теңгеге дейін, сату – 558-ден 569 теңгеге дейін;
Шымкент: сатып алу – 550-ден 560 теңгеге дейін, сату – 558-ден 570 теңгеге дейін.
