Екібастұздың жылу желілерінен 100-ден астам ақау табылды
Екібастұзтеплоэнерго" ЖШС тозығы жеткен жылу желілерін анықтайтын гидравликалық сынақтарға кірісті. Қазіргі күні жылу желілерінде 119 ақау табылды деп хабарлайды Stan.kz ақпарат агенттігі.
Павлодар облысы әкімінің баспасөз қызметінің мәліметінше, өңір басшысы Асайын Байханов құбыр ауыстырылатын төрт учаскеде болып, жөндеу жұмыстарын жүргізуге жауапты "Grappa-Stroy" ЖШС базасына барды.
Мердігер материал мен жабдықтың жеткілікті екенін айтады. Қазір бір уақытта 25 бригада жұмыс істеп жатыр. Олардың айтуынша, жылу желілерін жөндеу жұмыстары 10 маусымда аяқталады.
"Сапалы жұмыс істеу үшін ыстық су беруді 10 маусымға дейін қысқарта тұру туралы нақты жоспарымыз бар. Оны ұстану керек. Сондай-ақ алдағы жылыту маусымына үйлерді дайындау үшін жекеменшік пәтер иелері кооперативінің жұмысын бақылау қажет", - деп атап өтті Асайын Байханов.
Екібастұзда жылыту маусымы 22 сәуірде аяқталды.
"Көзқарастары ескі": Қазақстан мұғалімдерінің қартаюы білім жүйесін әлсіретіп отыр ма?
Ал көпжылдық тәжірибесі бар мұғалімдер зейнет жас мәселесін қайта қарастырсын дейді
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
Темірден жасалған киіз үйлердің құны 200 мың теңгеден басталып, 750 мың теңгеге дейін барады