Екібастұзда 24 қызметкері бар автобус апатқа ұшырады

Екібастұзда 24 қызметкері бар автобус жол жиегінен ұшып аударылып қалды. Бұл туралы Stan.kz ақпарат агенттігі хабарлайды. 

Фото kereksoyle Telegram арнасынан

Деректерге сай, қызметкерлер аман қалған. 

"Екібастұз қаласында ЖШС-нің бірінің аумағында жүргізуші ПАЗ автобусын жүргізу кезінде, рульді басқара алмай, кюветке жол жиегіне шығып кеткен. Автобус салонында 24 қызметкер болды", - деді Павлодар облысының полиция департаменті.

Зардап шеккендерге медициналық көмек көрсетілді.

• Қазақстанда кез келген қызметкер еңбек демалысынан бөлек тағы да 3 күндік демалыс алуына болады

• Нығматулин басқаратын зауыттағы қайғылы оқиғаны тексеру үшін республикалық арнайы комиссия құрылды

Денсаулық сақтау басқармасының мәліметінше, 15 жәбірленуші көмек сұраған. Олардың бесеуі ауруханаға жатқызылып, қалғандары амбулаториялық емге жіберілді. Ауруханаға жатқызылғандардың жағдайы ауыр емес.