Соңғы жаңалықтар
Соңғы жаңалықтар

COVID-19 вирусының таралуы тамыз айында күшейеді – Денсаулық сақтау министрлігі

Мемлекеттің бас санитарлық дәрігері Айжан Есмағамбетова қыркүйекке дейін COVID-19 бойынша эпидемиологиялық жағдайдың болжамы қандай болатынын айтты, деп хабарлайды Stan.kz ақпарат агенттігі.

"Өздеріңіз білетіндей, біз ай сайын болжамды жаңартып отырамыз. Алдағы үш айда пессимистік сценарий бойынша тіркелген жағдайлардың ең көп саны күніне 4000 науқасқа дейін, шынайы сценарий бойынша – күніне 2400 жағдайға дейін, оптимистік сценарий бойынша күніне 1000 жағдайға дейін жетеді", – деді ол.

Пессимистік сценарий бойынша шілдеде тіркелген жағдайлардың орташа тәуліктік саны тәулігіне 1250, тамызда – 4000 және қыркүйекте 550 жағдайды құрайды.



Реалистік сценарий бойынша жағдайлардың саны шілдеде күніне 750 жағдайға дейін, тамызда 2400 жағдайға дейін және қыркүйекте 350 жағдайға дейін түседі.

Оптимистік сценарий бойынша шілдеде тіркелген жағдайлардың тәуліктегі орташа саны 470 жағдайдан аспайды, тамызда - 1000-ға дейін және қыркүйекте - күніне 350 жағдайға дейін болады деп күтілуде.

Сондай-ақ Айжан Есмағамбетова Қазақстанда қазір вакцинаның үш түрі бар екенін еске салды: QazVaq, Sinopharm және Pfizer, қайта екпе салдыру үшін - QazVaq және Sinopharm. Сонымен қатар вакцинация пункттерінде 1,5 миллион доза екпе қоры бар. 

Талқылау