AAPL
172.1 $
2.14 %
TSLA
900.09 $
4.68 %
NDAQ
190.42 $
2.06 %
GOOGL
121.68 $
2.39 %
FRHC
57.85 $
0.75 %
AAPL
172.1 $
2.14 %
TSLA
900.09 $
4.68 %
NDAQ
190.42 $
2.06 %
GOOGL
121.68 $
2.39 %
FRHC
57.85 $
0.75 %
Соңғы жаңалықтар
Соңғы жаңалықтар

"Вакциналау паспортын қолдан жасап, дәрілерді заңсыз таратқан": Батыс Қазақстанда медбике емхана басшылығына айып тақты

Батыс Қазақстан облысы Бәйтерек ауданындағы №2 аурухананың медбике қызметкері емхана басшылығына айып тақты, деп хабарлайды Stan.kz ақпарат агенттігі.

Жанаргул Калашникова

Vera.kz сайтының жазуынша, әйел мемлекеттік қызмет істері агенттігінің төрағасы Дархан Жазықбаевтың атына хат жазып, онда аурухана қабырғасындағы өрескел заң бұзушылықтар туралы хабарлаған.

"Бисенбаева (аурухана меңгерушісінің орынбасары) өзінің лауазымдық өкілеттіктерін асыра пайдалана отырып, екпе кабинетінің медбикелерінен өзі, достары мен туыстары үшін COVID-19 індетіне қарсы екпе шараларын қағаз жүзінде жүргізуді талап етеді, яғни іс жүзінде медицина қызметкерлерін вакциналау паспорттарын бұрмалауға мәжбүрлейді, бұл коронавирустық инфекция жағдайларының санын және осы аурудан экзотикалық жағдайлардың артып жатқанын ескеретін болсақ, пандемия кезінде әсіресе мүлдем рұқсат етілмейді", – деп жазған Жанаргүл Калашникова өз өтінішінде.

Әйел сонымен қатар Бисенбаеваның мемлекеттік коммуналдық кәсіпорында басшылық қызмет атқара отырып, өз кабинетінде науқастарды ақылы түрде қабылдап, науқастарды касса арқылы емес, жеке карточкалық шотына төлеуге немесе қолма-қол төлеуге мәжбүрлейтінін жеткізген.

"Бұдан бөлек бұл науқастар бюджет қаражаты есебінен, сонымен қатар Бисенбаеваның жеке нұсқауымен ауру тарихын ашпай-ақ, науқастарға дәрі-дәрмек есептен шығарылмай, стационарда емделуде", – деп қосқан әйел.



Батыс Қазақстан облысындағы аудандық аурухананың медбикесі басшылықты екпелерді қолдан жасап, дәрілерді заңсыз қайта таратып жіберді деп айыптаған.

Үндеу жарыққа шыққаннан кейін Жанаргүлді директордың кабинетіне шақырып алған. Олар әйелден арызды қайтарып алуды талап етіп, барлығын өздері реттейтіндерін айтады. Бұл туралы ол тиісті органдарға хабарлады.
Әйел бұл істі белортадан қалдырғысы келмейді. Ол барлық инстанцияларда, соның ішінде сот жүйесінде өзінің кінәсіздігін қорғауға дайын.

Осыған байланысты БҚО денсаулық сақтау басқармасы түсінік берді. Басқарма мәліметіне қарағанда, медбике аурухана директоры орынбасарының біржақты көзқарасына шағымданған.

"Медбике хатында аталған мекеме директорының орынбасары вакцинация құжаттарын заңсыз беріп отырғаны, науқастарды ақылы қабылдау деректерінің болғаны жөнінде айтады. Өткен аптада ауруханаға денсаулық сақтау басқармасының комиссиясы жіберілді. Жанжалға қатысты екі тараптың да пікірі тыңдалып, түсініктеме алынды. Құқықтық баға беру үшін БҚО денсаулық сақтау басқармасының басшылығы ҚР Сыбайлас жемқорлыққа қарсы іс-қимыл агенттігі департаментіне және полиция департаментіне арыз жазу жөнінде шешім қабылдады. Тиісті тексеру аяқталып, аталған дерек бойынша шешім қабылданғаннан кейін ресми мәлімет беріледі", – деп хабарлады ведомство.

Талқылау
Пікір
Қазір оқып жатыр
Қазір оқып жатыр