"Бұғаттаймын": Мақпал Исабекова жүктілікке қатысты орынсыз кеңес беретіндерге ескерту жасады

Аяғы ауыр Мақпал Исабекова қазіргі уақытта желідегі оқырмандарынан жүктілікке қатысты түрлі хаттар алуда. Олардың басым дені әншіге ақыл-кеңестерін жазып, ырым-тыйымдар туралы ескертіп жатқан көрінеді. Әнші онсыз да секемшіл екенін айтып, орынсыз кеңес бермеуді өтінді, деп жазады Stan.kz ақпарат агенттігі. 

"Қыздар, қымбатты менің оқырмандарым, сіздерден өтініп сұраймын, аяғы ауыр әйелдің күйін ескеріңіздерші. Сұралмаған кеңестерді жазбаңыздар, бір әрекетті істесем не болады, ал істемесем, не болады, айтпаңыздар. Олай жасаудың керегі жоқ, өтінемін. "Ішіңді сипалама, бала кіндікке оралып қалады" деген сынды хат жазған қыздардың бәрін бұғаттаймын. Олай жасамаңыздар, жарай ма? Қатты өтініп сұраймын", – деді өнер иесі. 

• "Әлсіз болуға хақым жоқ": Ақбота Сейтмағамбет балаларын қалай жалғыз тәрбиелеп отырғанын айтты

• "Алғашқы кездесуде езбе болып көрінген": Сая Оразғалиева күйеуі жайлы

Әнші онсыз да көңілшек, күмәнданғыш адам екенін айтты. 

"Мен онсыз да секемшіл адаммын, ал қазіргі жағдайда тіптен күмәнданып тұрамын",  –  деді ол.