Соңғы жаңалықтар
Соңғы жаңалықтар

"Аудан емес, бір облыс адамы жиналғандай болды": Болат Назарбаевтың ұлына арнап берген көкпары туралы Шардара тұрғындары әсерлерімен бөлісті

Жақында ғана елбасының туған бауыры Болат Назарбаев Түркістан облысы Шардара ауданында дүркіретіп дүбірлі көкпар берді. Ұлан-асыр тойға эстрада жұлдызыдары, әзілкештер мен айтыскер ақындар шақыртылып, құны миллиондаған сыйлықтар таратылған. Stan.kz тілшісі көкпарға қатысқан палуандар мен тамашалаған тұрғындардан көкпардың қалай өткені туралы сұрап білді. 

кокпар

Көкпарды тамашалған Шардара ауданы тұрғынының айтуы бойынша көкпар өте жоғары деңгейде өткен. 

"Адам мен аттың санында есеп жоқ. Бір аудан емес, бір облыс адамы жиналғандай болды. Киіз үйлер тігіліп, тамақтар тегін таратылып, астатөк жиын болды. Жұлдыздар да келді. Олардың ішінде Балғынбек пен Сара айтысты, Уәлибек пен Жүсіп өнер көрсетті, әншілерден Мақпал Жүнісіова мен Қайрат Нұртастың әнін тыңдадық. Басында халық кішкене жабайыланып, әдептен озды. Суға таласқан қойдай, тамақ таратылып жатқанда жетпей қалатындай ұмтылып еді, кейін сабасына түсіп, мәдениеттілік сақтады. Салымның ең төмені 300 000-нан басталып, 500 000-ға дейін жетті. Су жаңа "Нива" маркілі көліктен жетеуі тігілді. Бұдан бөлек жағдайы нашар, тұрмысы төмен 10 отбасына 1 миллион теңгелік жәрдемақы берді. Жалпы, халық риза", - дейді ұлан-асыр көкпардың ұйымдастырылу деңгейіне тәнті болған тұрғын. 

 

Көкпарды арнайы тамашалуға Алматыдан келген азамат дүбірлі доданың куәсі болуға Қазақстанмен қоса алыс-жақын шет елдерден - Қырғызстан, Өзбекстаннан келгендер болғанын айтады. 

Болат Назарбаев Шамалған ауылында баспанасыз жүргендерге үй салып берді (фото) >>>

"Көкпар жақсы өтті. Бүкіл ауданның тойы болды. Мыңнан аса ат келді. Ақшалай жүлде қоры жалпы есептегенде 15 000 000 теңге қаражатты құрады. Халық аман-есен тарқады. Елдің тойы болды. Көкпаршы жігіттер бұйырған салымдарын салды. Көзге түскен палуандар: Ғалымжан мен Жомарт болды. Ақшалай жүлдемен қоса автокөлік ұтып алды", - дейді көкпар десе ішкен асын жерге қоятын жанкүйер. 

Осы көкпарда жас та болса, өз күші мен шапшаңдығын көрсете білген палуан Жомарт Кеңесбек дүбірлі доданың қызығымен бөлісті: 

"Нағыз ер жігіттің күші сыналар көкпарға кішкентайымнан қызығамын.16 жасымнан бастап додаларға қатыса бастадым. Бұл - менің кәсібім емес, көкпарға деген құмарлық және қызығушылық. Осы жолғы көкпардың жөні бөлек болды. Алла абырой беріп, салым салу бақыты бұйырды. Мен 300 000 теңге иеленсем, ағам 2 көлікті қанжығасына байлады", - дейді жас палуан. 

Талқылау
Пікір
Соңғы ЖАҢАЛЫҚТАР

Ақтөбеде бойжеткенді зорлаған түнгі клуб күзетшісі небәрі 2,5 жылға қамалды

Бұған қоса ол материалдық шығын төлеуі тиіс

Еліміздің әнұранын мазақ еткен жастар жұрттың ашуына тиді (видео)

Бұл жолы жастар "хайп" үшін гимнің әуенін бұрмалап, онымен қоса би де билеген

Алматыда оқудан шығарылған балалардың ата-аналары наразылықтарын білдірді

Студенттер жұмыстан шығып қалған жаттықтырушыны қайта қызметке қоюды талап етіпті

"ҚазАгро" ұйымының алаяқтыққа жол бергені әшкере болды

Негізінде ол ақша шаруалардың мәселесін шешуге бағытталуы керек болған

Денесі Қазақстанның туымен оралды: Дулат Ағаділдің денесі жер қойнына тапсырылды

Марқұмды ақтық сапарға шығарып салу сәті бүкіл халыққа ауыр тиді

"Жүк көлігінің алдынан шықты": Нұр-Сұлтанда басқа жүргізушілерге көмектеспек болған көлік жүргізушісін қағып кетті

Оқиға қаладағы қолайсыз ауа-райы себеп болған

Тоқаев коронавирус мәселесіне алаңдаушылық білдірді

Президент бірқатар тапсырмалар бергендігін жеткізді

СҚО-да жаңа туған сәбиін өлтірген әйел күйеуінен жүктілігін жасырған

Әйел өзінің жүктілігін мұқият жасырған

Үкімді түсінбедік деп апелляцияға берген: Алматы облысында айуандықпен өлтірілген косметолог ісі қайта қаралды

Айыпталушылар орысша үкімді түсінбегендіктен, сот шешімі күшін жойыпты

Ақтөбе облысында 12 адам қар құрсауында қалып қойған

Жолаушылар трассада 5 сағаттан астам уақыт болған
Çàãðóçêà...