Бейбіт Әлібеков өзіне қатысты тергеу жүргізілуде деген ақпарат жайлы пікір білдірді

Белгілі қазақстандық блогер әрі кәсіпкер Бейбіт Әлібеков өзіне қатысты тергеу жүріп жатыр деген қауесетке қатысты пікір білдірді. Бұған дейін БАҚ пен түрлі Telegram арналарында оның елдегі қаңтар оқиғасына қатысты тергеу жүріп жатқаны туралы ақпарат жарияланған болатын, деп хабарлайды Stan.kz ақпарат агенттігі 7 арнаның “Айбат” ақпараттық бағдарламасына сілтеме жасап.

Бейбіт Әлібековке қаңтар оқиғасына байланысты істерде куәгер ретінде сұралымдар жүргізілген. Оның үйінде тінту болып, ұялы телефоны тәркіленді деген ақпарат тараған болатын. 

“Жоқ менің үстімнен ешқандай тергеу болған жоқ. Тек 5 қаңтардағы оқиғаға байланысты тергеу жұмыстарына ұялы телефонымды беріп жібергенмін”, – деді Әлібеков.

• Депутат Қайрат Құдайберген ұсталды

• Қайрат Құдайберген: Мені депутат болып ақша жеді, содан байыды деп айтады 

Өзінің тек куәгер екенін айтқан танымал блогер, бизнесмен бұл тараған ақпаратқа осылай жауап берді.

Бейбіт Әлібеков – дәмханалары және киім дүкендері бар бизнес өкілі. Оның желідегі аудитория саны миллионнан асқан.