Берік Уәли: Президент бейбіт шерушілерді қылмыстық қудалауға қарсы
Мемлекет басшысының түпкілікті ұстанымы – Қазақстан азаматтарының бейбіт митингілерге құқығы болуы керек, сондықтан қаңтар оқиғасына бейбіт шерушілер ретінде қатысқандар қылмыстық жауапкершілікке тартылмауы тиіс. Бұл туралы президенттің баспасөз хатшысы Берік Уәли Facebook-тегі парақшасында мәлімдеді, деп хабарлайды Stan.kz ақпарат агенттігі.
Өздеріңізге белгілі, бүгін Қасым-Жомарт Тоқаев бас прокуратураға жаппай тәртіпсіздіктер кезінде түрлі заң бұзушылықтар үшін ұсталған азаматтардың кінәсінің деңгейін анықтауды тапсырды.
"Президент ауырлататын мән-жайлар болмаған жағдайда жазаны жеңілдету шараларын қолдану мүмкін деп санайды. Бейбіт шерулерге қатысушыларды жауапқа тартуға болмайды деп есептейді Президент. Оның принципті ұстанымы – бейбіт жиналыстар мен митингілер тиісті талаптарға сай өтуі керек. Енді қалалардың орталық аудандарында митингілер мен жиындар өткізуге болады. Бұл – еліміздегі демократияны ілгерілету жолындағы үлкен қадам", – деп жазды Берік Уәли.
Талқылау
"Аурухана мен мәдениет үйі жоқ": Сингапурға айналуы тиіс жаңа қала Алатаудың бүгінгі жай-күйі қалай (Фоторепортаж)
Жетіген тұрғындары қала мәртебесіне үмітпен қарағанымен, шешімін күткен түйткілдер әлі де аз емес
"Салқын суға салсаң, бояуы шығады": Отандық шоу-бизнес жұлдыздарының шайы халықтың көңілінен шықпай қалды
Экономист: "Шай плантациясы жоқ елде толыққанды өндіріс болмайды"