“Бәйтерек” пойызында тарақандармен алысқан жолаушылардың төбе шашы тік тұрды (видео)
Астанадан Алматыға қатынаған “Бәйтерек” пойызындағы 14 вагонның жолаушылары купе ішін аралап кеткен тарақандарды көріп таңқалған.
Фото: temirzholy.kz
“3 сәуір күні сағат 22:10-да мен Астана-Алматы бағытында шықтым. Вагон ішін тарақандар басып кетіп, адамдар түні бойы көз ілген жоқ. Олар барлық жерде жүрді. Не айтарымды да білмеймін”, – деп жазады Фейсбукте Қарлығаш Қасымова.
“Жолаушылар тасымалы” компаниясының баспасөз қызметі болса, тарақандар жолаушылардың шамаданы арқылы кіруі мүмкін дейді.
“Талапқа сәйкес рейс алдында №10 жолаушылар пойызында санитарлық тексеру жүргізілді. Жолда тарақандар тек 14-ші вагоннан табылған. Ол жолаушының жүгі арқылы кірген болуы мүмкін”, – делінген баспасөз хабарламасында.
“Бәйтерек” пойызы Астана мен Алматы арасына 2012 жылдан бері қатынап келе жатыр. Жолаушыларға қолайлы жағдай жасалып, вагондар заманауи үлгіде жабдықталған.
Астанада ер адам жолға таласып, әйелді соққыға жыққан: Ол ауруханадан бір-ақ шықты
Әйелдің сіңлісі ер адамның тиісті жауапкершілікке тартылуын талап етті.
Қазақстандықтарды қарапайым су есептегіштерден әлдеқайда қымбат "ақылды" су есептегіштерді орнатуға міндеттеді
Тұрғын: "Неге қызметкерлерінің жұмысын жеңілдететін есептегіштердің құнын тұтынушылар өз қалтасынан төлеуі керек?"