Байден президенттік сайлаудағы алғашқы жеңісіне қол жеткізді
АҚШ-тың қазіргі президенті Джо Байден Оңтүстік Каролинадағы Демократиялық партияның президенттік сайлауында жеңіске жетті. Бұл туралы Stan.kz ақпарат агентігі Deutsche Welle басылымына сілтеме жасап хабарлайды.
Cурет: Angela Weiss/AFP
Ақпаратқа қарағанда, Байден 96,4 пайыз дауысқа ие болған, ал оның жалғыз қарсыластары, өзін-өзі дамыту кітабының авторы Марианна Уильямсон 2 пайыз және Миннесота конгрессмені Дин Филлипс 1,6 пайыз дауыс жинаған.
Сайлау кезінде Оңтүстік Каролинаның маңызы зор және штаттың сайлаушылары төрт жыл бұрын Байденді Ақ үйге әкелуге көмектескеннен бері мұқият бақыланып келеді.
- "Иранның радикалды топтары екенін білеміз": Иордания-Сирия шекарасында үш америкалық әскери қызметкер қаза тапқан
- АҚШ сенаторы Байденді Иранның мұнай инфрақұрылымына соққы беруге шақырды
“2020 жылы Оңтүстік Каролина сайлаушылары сарапшылардың қателігін дәлелдеп, науқанымызға жаңа тыныс беріп, бізді президенттік жолға салды.
Ал 2024 жылы оның азаматтары тағы да демократтарды "президенттікте жеңіске жетіп, Дональд Трампты жеңіліске ұшырауға" итермеледі”, – делінген Байденнің мәлімдемесінде.
Айта кетейік, Оңтүстік Каролинадағы дауыс беру қарашада АҚШ-та өтетін президенттік сайлау алдындағы демократиялық партияның алғашқы ресми праймеризі болып саналады.
Бұған дейін, АҚШ-та Колорадо соты Трампқа сайлауға қатысуға тыйым салған еді. Колорадо штатының жоғарғы соты Дональд Трампты 2024 жылы АҚШ президенттігіне үміткерлер тізімінен шығару туралы шешім шығарған.