Бүркіттің жары Аиша үшінші перзентін суда босанбақшы
Үшінші перзентін күтіп жүрген Аиша бұл жолы суда босанғысы келетінін айтты. Айтуынша, суда босанудың артықшылықтары көп. Аиша ол әйелге жайлылық сыйлайды деген пікірде. Алайда серіктес болуға әнші Бүркіт қарсылық танытқан көрінеді.
Фото Бүркіттің желідегі парақшасынан
Бұл туралы Аиша Comode басылымына берген сұхбатында айтты.
“Алғашқы сәбиімді анаммен бірге босандым. Бірақ ол маған көмектескен жоқ, себебі қатты қобалжыдым. Меніңше, әйел баласы жалғыз босануы керек. Жауапкершілікті басқаға артпай, барлығын өзі сезінуі тиіс деп ойлаймын. Дәл көлік жүргізуді үйренгенмен бірдей. Өз-өзіңді қолға алмайынша, ешқандай нұсқаушы көмектеспейді. Екіншісінде қасымда анам болған жоқ. Тек дәрігер мен акушер болды. Өзімді жеңіл сезініп, небәрі үш сағатта босандым. Өзіме, дәрігерге құлақ астым. Бұл жолы баламды суда босансам деймін”, – деп бөлісті Аиша.
Бұл орайда Аиша суда босанудың артықшылықтары туралы арнайы зерттеу жүргізгенін айтады. Айтуынша, ол алғашқы ұлын суда босанғысы келген, алайда Бүркіт баласы үшін алаңдап, оны қолдамапты.
“Бұл жолы ол келісімін берді”, – дейді Аиша.
Тағы оқыңыз:
Динара Сәтжан “Қазақстан” РТРК арнасы басшылығынан кетті
Жеке өмірім пиар емес: Нұрболат Абдуллин отбасылы екенін жоққа шығарды
Қазақстандық актриса атышулы Дәурен Айдарқұловтың ашынасы болғысы келетінін айтты