Әйелімен татуласқысы келген павлодарлық оның үстінен полицияға арыз түсірді
Павлодар тұрғыны үйден кетіп қалған әйелімен татуласу үшін оның үстінен полицияға шағым түсірді, деп хабарлайды Stan.kz ақпарат агенттігі Polisia.kz-ке сілтеме жасап.
Отбасылық жанжалдан кейін, ішімдікке тойып алған ер адам полицияға хабарласып, қомақты көлемдегі қаражаттың ұрланғаны жөнінде шағым түсірген. Толстой көшесіне жеткен учаскелік инспектор ешқандай ұрлықтың болмағанын анықтады.
"Отбасылық ұрыстан кейін 47 жастағы павлодарлықтың жұбайы ата-анасының үйіне кетіп қалған. Ішімдікке масайып қалған ер адам полицияға хабарласып, 500 мың теңгенің жоғалғанын хабарлады. Ол осылайша әйелін үйге қайтармақ болыпты", - деп хабарланды полициядан.
Алайда күйеуінің бұл әрекеті ешқандай нәтиже бермеген. Әйел сол күйі ата-анасының үйінде қалды.
Полицейлер ер адаммен тілдесіп, келесі жолы мұндай әрекетті қайталамауды сұрады. Өз кезегінде ол түзелетінін, әйелімен татуласатынын айтты.
Талқылау
"Аурухана мен мәдениет үйі жоқ": Сингапурға айналуы тиіс жаңа қала Алатаудың бүгінгі жай-күйі қалай (Фоторепортаж)
Жетіген тұрғындары қала мәртебесіне үмітпен қарағанымен, шешімін күткен түйткілдер әлі де аз емес
"Салқын суға салсаң, бояуы шығады": Отандық шоу-бизнес жұлдыздарының шайы халықтың көңілінен шықпай қалды
Экономист: "Шай плантациясы жоқ елде толыққанды өндіріс болмайды"