Атырауда полиция басшысы қамауға алынғаннан кейін орнына жаңа басшы келді
Айдар Қасанов Атыраудағы жаңа полиция бастығы болды. Атырау облыстық полиция департаменті ақпаратты растады. Бұл туралы Stan.kz ақпарат агенттігі хабарлайды.
Қасанов бұрын Ақтауда жұмыс істеген. Ол ұсталған Бақтыбек Исаевтың орнына келіп, 20 сәуірде қызметіне кірісті.
Айдар Қасанов қызметін Жаңаөзенде тергеуші болып бастады, содан кейін тергеу бөлімшелерінде жұмыс істеді, одан соң басшылық лауазымдарға ауысты. 2019 жылы ол Жаңаөзен полициясының бастығы болды, содан кейін Ақтауда жұмысын жалғастырды.
Оқыңыз15 сәуірде Бақтыбек Исаев заңсыз әрекет жасады деген күдікпен ұсталды. Ішкі істер министрлігі қылмыстық іс қозғады. Тергеуден кейін ол қызметінен босатылып, қамауға алынды.
Айта кетейік, бұған дейін ішкі істер министрлігі тексеріс нәтижесінде Атырау облысы полициясының төрт басшысы бірден қызметінен шеттетілгенін растады. Министрліктің ресми нұсқасына сәйкес, бұл жағдай "қызметтік-әскери тәртіптің өрескел бұзылуы, тиісті бақылаудың және жұмысты ұйымдастырудың болмауы" деп түсіндірілді.
Алайда БАҚ-та тексерудің қылмыстық істер бойынша заттай дәлелдеме ретінде тіркелген есірткі заттарына қатысты іс бойынша жүргізіліп жатқаны туралы ақпарат тарады.
Еске салсақ, бұған дейін ІІМ есірткі қылмысына қарсы іс-қимыл комитетінің төрағасы Данияр Мейрхан қызметінен шеттетілген еді.
"Әкеңіз сізге керек болмаған соң, қайтыс болды": Қазақстандықтар психологтардан қалай зардап шеккендерін айтты
