Асыл Айтақын мен Азамат Дәулетбеков Азия чемпионатының финалына шықты
Қос балуанымыз Қырғызстан астанасы Бішкекте өтіп жатқан Азия чемпионатының ақтық сынына жолдама алды. Бұл туралы Stan.kz ақпарат агенттігі хабарлайды.
Қырғызстанда өтіп жатқан Азия чемпионатының екінші күнінде екі бірдей балуанымыз алтын жүлде үшін белдеседі. 61 келідегі Асыл Айтақын қарсыластарының бәрін айқын басымдықпен ұтып финалға шықса, 86 келідегі Дәулетбеков жарысты ширек финалдан бастады. Ширек финалда ирандық Хади Вайаейпураны 3:1 есебімен, жартылай финалда қытай балуаны Лиді 11:0 есебімен жеңді. Енді екеуі Азия чемпионатының алтын жүлдесіне таласады. Асыл қырғызстандық Жұмашбековке қарсы күрессе, Азамат байырғы қарсыласы өзбекстандық Шапиевпен шығады.
Айта кетейік, кеше сынға түскен балуандардың ішінен Ризабек Айтмұқан күміс, Мейрамбек Қартбай қола жүлде жеңіп алған еді.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі