Ақтөбеде өртеніп кеткен әкімдік ғимаратын жөндеуге ондаған миллион теңге жұмсалмақ
Ақтөбеде өрттен кейін облыстық әкімдік ғимаратын қалпына келтіруге шамамен 90 миллион теңге бөлінеді. Жөндеу жұмыстары төтенше жағдайлар резервінен қаржыландырылады. Бұл туралы Stan.kz ақпарат агенттігі хабарлайды.
Әкімдіктің мәліметінше, шатыр өрт салдарынан қалған қалдықтардан тазартылды. Қазір қалпына келтіру жұмыстары басталды. Жөндеу жұмыстарын мамандандырылған компания жүргізеді.
"Алдын ала бағалау бойынша, жалпы материалдық шығын шамамен – 90 миллион теңге. Қалпына келтіру жұмыстары Ақтөбе облысының төтенше жағдайлар резерві есебінен қаржыландырылады", – деді облыс әкімінің баспасөз хатшысы Гүлбағда Көбеева.
Еске салайық, Ақтөбеде 6 қабатты әкімшілік ғимараттың шатыры өртенген еді. Өрт толық сөндірілді. Төтенше жағдай кезінде ешкім зардап шеккен жоқ. Алғашқы бөлімшелер келген кезде ашық жану анықталған. Өрттің аумағы нақтыланып жатыр.
Жамбыл облысында ер адам аяғы ауыр әйелін молаға апарып ұрып-соқты деп айыпталды
Ер адам әйелін үйден рұқсатсыз шыққаны үшін ұрып-соққан
Әр велосипедтің құны 1,3 миллион теңгеден асады: Астана әкімдігі мұны не үшін алғанын түсіндірді
Елордада бұған дейін салынған велосипед инфрақұрылымының 90 пайызы пайдаланылмай тұр