АҚШ аспанындағы жарық шарлар: Пентагон НЛО туралы жаңа материалдарды жариялады
Пентагон тағы бұрын құпия болған НЛО туралы құжаттарды ашық жариялады. Ол құжаттарда АҚШ-тың солтүстік-шығысында адамдар көрген аспандағы жарқыраған шарлар туралы жазылған. Бұл туралы Stan.kz ақпарат агенттігі Reuters-ке сілтеме жасап
хабарлайды.
Жаңа жарияланған материалдарда "анықталмаған аномальды құбылыстар" туралы деректер бар. Олардың құрамына АҚШ Федералдық тергеу бюросы, АҚШ Орталық барлау басқармасы және АҚШ Қорғаныс министрлігі ұсынған 72 құжат, куәгерлердің көрсетулері, бейнежазбалар мен суреттер енгізілген.
Бірнеше есепте АҚШ-тың солтүстік-шығысындағы бір аймақта байқалған жұмбақ шарлар немесе сфералар туралы айтылады.
Құжаттардың бірінде АҚШ Федералдық тергеу бюросының қызметкерлері сұрастырған екі адамның мәліметтері келтірілген. Олар биыл ақпан айында кешкі уақытта өз үйлерінің ауласында өте жарық, көз шағылыстыратын сәулені көргенін айтқан. Куәгерлердің бірі қызыл жарықтың өте әдемі әрі ерекше болғанын, өмірінде бұрын-соңды мұндай нәрсені көрмегенін жеткізген.
Куәгердің айтуынша, диаметрі шамамен бір метр болатын қызыл шардың ортасында көлемі баскетбол добындай “ақ плазмалық күн” болған.
Кейін адамдар екінші шарды да байқаған. Олардың айтуынша, екі шар бір-бірімен байланысқандай көрініп, кейін бір-бірінен алыстай бастаған.
“Бірнеше аптадан кейін куәгерлер үйлерінің үстінен әлдеқайда биікте ұшып өткен бірнеше ақ шарды тағы көрген”, – делінген АҚШ Федералдық тергеу бюросы есебінде.
Осындай қызыл түсті шар тәрізді нысандар туралы хабарламалар бұған дейін де, 2025 жылы шілде айында тіркелгені айтылды.
Оқыңыз2024 жылы қазан айында көкжиектен төмен орналасқан жарық көзі тоғанның үстінде қалықтап тұрғаны байқалған.
"Жарқыраған нысан пішіні мен жарықтығын мезгіл-мезгіл өзгертіп тұратын плазмаға ұқсас шарға ұқсаған. Кей кездері негізгі жарық көзі бірнеше ұсақ жарқыраған нүктелерге бөлініп кеткендей көрінген", – делінген есепте.
Бұған дейін 1994 жылы Қазақстан үстінде белгісіз нысан байқалғаны туралы жазған едік. Құжатта Boeing 747 ұшағының экипажы Қазақстан аспанында белгісіз нысанды көргені айтылған. Онда 1994 жылғы 27 қаңтарда Тәжікстаннан ұшқан пилот пен үш америкалық Қазақстан аумағы үстінен үлкен жылдамдықпен қозғалған, бағытын күрт өзгерткен және 90 градусқа бұрылған жарқыраған нысанды байқаған.
Қазақстандық түрмелерде енді сотталғандар отбасымен видеотаксофон арқылы сөйлесе алады
