Сот мәліметінше, камералдық бақылау барысында жеке кәсіпкердің табысын төмендетіп көрсеткені анықталып, осыған байланысты оған анықталған заңбұзушылықтарды жою туралы хабарлама жолданған.

Салық қызметкерлері кәсіпкерден оның есепшоттарын бұғаттамау және жолданған хабарламаны кері қайтарып алу үшін 5 миллион теңге талап еткен. Кейін бөлім басшыларының бірінің делдалдығымен олар 5 миллион теңгенің орнына жалпы құны 1,5 миллион теңге болатын екі iPhone 17 Pro смартфонын беруге келіскен. Смартфондарды алғаннан кейін шенеуніктер салық хабарламасының талаптары орындалды деп негізсіз шешім шығарған.

Сотталушылардың кінәсі қылмыстық іс материалдарымен және өздерінің кінәларын мойындаған айғақтарымен толық дәлелденді.

Оқыңыз

"Пара беруге уәде еткендерге қылмыстық жауапкершілік": Тоқаев жемқорлыққа қарсы заңдағы өзгерістерге қол қойды Оқыңыз

Сот жаза тағайындау кезінде олардың шын жүректен өкінгенін және кәмелетке толмаған балаларының асырауында болуын жеңілдететін мән-жайлар ретінде таныды.

Сот басқарма басшысына 52 миллион теңге, бөлім басшысына 52,5 миллион теңге, ал делдалға 15 миллион теңге көлемінде айыппұл салды. Сондай-ақ сотталғандардың барлығы өмір бойына мемлекеттік қызметте, жергілікті өзін-өзі басқару органдарында, Ұлттық банкте және квазимемлекеттік сектор субъектілерінде қызмет атқару құқығынан айырылды.

Смартфондар заттай дәлел ретінде танылып, мемлекет кірісіне тәркіленді. Сондай-ақ сотталғандардан Жәбірленушілерге өтемақы төлеу қорына мәжбүрлі төлем өндірілді.

Еске салсақ, бұған дейін Өскеменде жоғары лауазымды судья аса ірі көлемде пара алды деген күдікпен ұсталғаны туралы жазған едік.

Өмір айнасы