Алматыдағы саябаққа Ататүрік атауы берілмек

Алматы қаласындағы атауы жоқ саябаққа Ататүріктің есімі берілмек. Бұл туралы Stan.kz ақпарат агенттігі хабарлайды. 

Фото: 3dduvarkagitlari.com/Мұстафа Кемал Ататүрік

Шешімді қала әкімі мен мәслихат депутатары бірлесе қабылдаған. Құжат Ашық НҚА порталында жарияланды.

"Алматы қаласы, Бостандық ауданы, Әл-Фараби даңғылының оңтүстігі, С.Сейфуллин даңғылының шығысы мекенжайындағы, "Халық банкі" мен "Almaty Theatre" ғимараттарының арасындағы атауы жоқ скверге "Ататүрік сквері" атауы берілсін", – делінген шешім жобасында.

Құжат қала әкімі мен мәслихат төрағасы қол қойып, алғашқы ресми жарияланғаннан 10 күн өткен соң күшіне енеді.

Шешім жобасы 3 қарашаға дейін қоғамдық талқылауда болады.