Алматыдағы кинотеатрлардың бірінде белгісіз әйел келушінің сөмкесін ұрлап кеткен (видео)
Видеодан скрин
Әлеуметтік желіде Алматыдағы кинотеатрлардың бірінде болған оқиға қызу талқылануда. Бұл туралы Stan.kz ақпарат агенттігі хабарлайды.
Theards қолданушысының айтуынша, түнгі сеанстан кейін оның құрбысы залда сөмкесін ұмытып кеткен. Олар небәрі 5 минуттан кейін қайта оралғанымен, сөмке орнында болмаған.
Кинотеатрдың бейнебақылау камераларын қарау барысында шамамен 30–35 жастағы әйелдің сөмкені байқап, жан-жағына қарап алған соң, сөмкені шарфтың астына жасырып, залдан шығып кеткені анықталған.
“Оның жанында қызы да болған және болған жағдайдың барлығын көрген. Арыз жаздық. Балаларды кішкентайынан осылай “тәрбиелейді”, – деп жазды желі қолданушысы.
Желідегі жазбаға қатысты Алматы қалалық полициясы пікір білдірді.
“Алматы қаласының полиция департаменті аталған дерек бойынша тексеру жүргізіліп жатқанын хабарлайды. Оқиғаның мән-жайы анықталуда”, – делінген хабарламада.
Аспаннан ақша шашылса немесе көшеден ақша тауып алсаңыз, оны бірден иемденуге бола ма
Заңгер табылған ақшаны ешкімге хабарламай алып кету заңды әрекет емес екенін айтады
Қазақстанда рейс кешіксе, жолаушы не істеуі керек және өтемақыны қалай алады
Рейс 5 сағаттан астам кешіккен жағдайда жолаушы ұшудан бас тартып, билет құнын толық қайтаруды талап ете алады