Алматыда басқарма басшысы қаңтар оқиғасы кезінде алған жарақатына байланысты қызметінен кетті

Рүстем Байсейітов Алматы дене шынықтыру және спорт басқармасы басшысы қызметінен кететінін мәлімдеді, деп хабарлайды Stan.kz ақпарат агенттігі. 

"Әжептәуір уақыт өтсе де, жарақатым әлі күнге дейін қатты мазалайды. Жұмыс істеу қабілеті қалпына келген жоқ. Оңалтудың толық курсынан өтіп, білектің қимыл белсенділігін қалпына келтіру қажет болғандықтан, мен қызметтен кету туралы шешім қабылдадым", – деп жазды Байсейітов әлеуметтік желіде.

• Тәртіпсіздік кезінде қаза тапқан "Алматы" арнасының қызметкерінің отбасына пәтер берілді

• "Әрең қашып құтылдық": Алматы әкімі жаппай тәртіпсіздіктер кезінде қайда болғанын айтты

Ол спорт оның өмірінде ерекше орын алатынын және оңалтудан кейін жұмысқа "басқа перспективалармен" оралатынын атап өтті.

Еске салсақ, қаңтар айындағы жаппай тәртіпсіздіктер кезінде Алматы әкімінің кортежіне оқ жаудырды. Салдарынан "Алматы" телеарнасының жүргізушісі көз жұмды. Сондай-ақ қалалық спорт басқармасының басшысы, дін басқармасының басшысы, "Алматы" телеарнасының операторы мен әкімнің жүргізушісі жараланды.