Алматы облысында үйіне оралған вахта қызметкері әйелін ұрып өлтірді
Алматыда үйіне оралған вахта қызметкері әйелін аяусыз ұрып өлтірді. Ер адамның мұндай әрекетке баруына қызғаныш себеп болған, деп хабарлайды Stan.kz ақпарат агенттігі.
Аталмыш дерек Талғар ауданындағы ауылдардың бірінде тіркелген. Анықталғандай, іссапардан келген үйдің отағасы әйелінің – мас, ал балаларының тамақ ішпегенін көрген.
Үйдегі жағдайға ашуланған ол жанжал шығарып, әйелін көзіне шөп салды деп айыптаған. Кейін аяусыз соққыға жыққан. Түрлі жарақаттармен ауруханаға жеткізілген әйел есін жимастан көз жұмды.
"Ер адам ұсталып, қамауға алынды. Қазір Қылмыстық кодекстің 106-бабы 3-бөлімі бойынша тергеу жұмыстары жүріп жатыр", – деді Талғар аудандық полициясында.
Ведомствода істі жан-жақты тергеу үшін сәйкес сараптамалардың тағайындалғанын қосып өтті.
Айта кетейік, бұған дейін үш жастағы баланы өз ағасы ұрып-соққанын хабарлаған едік. Бала сөйлей алмайды және өз бетінше тамақ іше алмайды.
"Жалаңаштанып айға қарап, рәсім жасайды": Батыс Қазақстандағы бір ауылдың тағдырын жат ағым қалай өзгертті?
Мадхалиттердің 4-5 жыл бұрын депутаттық корпусқа үміткер болуға талпынғандары да болды
"Саябақтарда қонып жүрмін": 21 жастағы қазақстандық балалар үйінің түлегі дала қалды
Жетім балалар неге кәмелетке толған соң көше кезіп қалады?