"Алдыма қалтырап келді": Алматылық адвокат 12 жасар қыздың зорланғанын айтты
Алматыда 12 жасар қызды зорлап кетті. Шырылдаған ана қызын ертіп адвокаттан көмек сұрап келген, деп хабарлайды Stan.kz ақпарат агенттігі.
Бұл туралы белгілі адвокат Камиша Есмұхамбетқызы өзінің Facebook-парақшасында бөлісті. Айтуынша, қызының зорланғанын айтқан әйел оның жұмыс орнына келген.
«Сот-медициналық сараптамадан өтті. Қыздың жағдайын айтып жеткізе алмаймын. 12 жасар қыздың зорлық көруі оңай емес. Оқиғаның мән-жайын толықтай тергеу тобымен шығып, тергеу амалдарын жасағаннан кейін баяндаймын», – деді адвокат видеода.
Адвокат жәбірленушінің жағдайына бей-жай қарамаған Алматы қалалық ІІД-нің баспасөз қызметі Салтанат Әзірбек және «Адамға қарсы қылмыстық істер жөніндегі» бөлімінің тергеушісі Ержан Ақмолдаға арнайы рахметін айта өтті.
Талқылау