Альбина Шардарова екінші сәбиін дүниеге әкелді
Әнші Альбина Шардарова екінші рет ана атанды. Өнер иесі өткен жұмада қыз босанды, деп хабарлайды Stan.kz.
Сүйінші хабарды Альбинаның өзі халыққа жеткізді.
"Бүгінгі қасиетті жұмада, 17.09.2021 күні, түскі 14:45-те, салмағы 3810, бойы 52 см болып, Алланың қалауымен дүниеге екінші принцессамыз келді.
Шүкір, екеуміздің де жағдайымыз жақсы! Біз үшін тілеулес болып, дұға жасаған жақындарыма, оқырмандарыма алғысым шексіз!
Тамара Асар "суррогаттық жолмен бала тапты" деп айыптағандарға жауап берді
Енді құттықтап қойсаңыздар болады. Бауыржан екеуміз екінші рет ата-ана атандық, Жасминіміз әпке атанып жатыр.
Аллаға шүкір! Аяғы ауыр барлық келіншектер аман-есен, жеңіл (жеңілі болмайды негізі, бірақ сонда да) босанып алса екен деп тілеймін"6 – деп жазба қалдырды ол желідегі парақшасында.
Айта кетейік, Альбина Шардарова актер әрі тележүргізуші Бауыржан Сатовпен 2018 жылы отау құрған еді. Екеуінің тұңғыш қызы Жасмин осыдан екі жыл бұрын дүниеге келген.