Ақтөбеде кәсіпкердің 57 млн теңгесін ұрлаған атыраулық іздестіріліп жатыр
Ақтөбе облысында кемпинг қожайынының қомақты қаражатын ұрлап кеткен күдікті іздестіріліп жатыр, деп хабарлайды Stan.kz ақпарат агенттігі.
Өңірлік полиция департаменті Атырау облысының тумасы Фархад Ғаббасовты іздестіріп жатыр. Ол өткен жылдың қараша айында Қобда ауданы, Жарсай-2 ауылының маңында салынып жатқан кемпингтен қомақты ақша ұрлады деген күдікке ілінген.
"Кемпинг қожайынына тиесілі 57 млн теңге ұрланды. Аталған дерекке қатысты Қылмыстық кодекстің "Ұрлық" бабы бойынша іс тіркелді. 42 жастағы Атырау облысының тумасы Ақтөбенің Алға қаласында тұрған, - деді облыстық ПД баспасөз қызметінде.
Ақпаратқа сәйкес, күдіктінің денесінде операциядан кейінгі тыртығы бар. Оң қолында орта және сұқ саусақтары жоқ, көзілдірік киюі мүмкін.
"Жарақатты үйде алдым деп айт": Жұмыс берушілер өндірістегі оқиғаны неге жасырады және қызметкер не істеуі керек
Жарақат алған жұмысшының құқығын қорғаудың қандай жолдары бар екенін заңгер айтты
"Мінбердегі тартыс 7 сағатқа созылды": Нұрлан Оразалин Егемендік декларациясының қалай қабылданғанын айтып берді
Нұрлан Оразалин Қазақ КСР Жоғарғы Кеңесінің XII шақырылымының депутаты болған әрі осы тарихи құжатты әзірлеуге тікелей қатысқан