Тоқаев Республика күнімен құттықтаған әріптестеріне алғыс айтты
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді. Бұл туралы Stan.kz ақпарат агенттігі хабарлайды.
Бұл туралы мемлекет басшысы Қасым-Жомарт Тоқаев X әлеуметтік желісіндегі парақшасында жазды.
“Республика күніне орай жолдаған риясыз құттықтаулары мен жылы лебіздері үшін барлық мемлекеттер және үкіметтер басшыларына, сондай-ақ ірі халықаралық ұйымдардың жетекшілеріне алғыс айтамын. Егемен елімізге арнаған ізгі тілектеріңізді халқымыз ризашылықпен қабылдады”, – делінген жазбада.
Бұған дейін Республика күніне орай шет мемлекеттердің басшылары мен халықаралық ұйымдардың жетекшілері Тоқаевқа құттықтау хаттарын жолдағаны хабарланған еді.
Қазақстандықтарды АҚШ, Ресей, Қытай, Түркия, Өзбекстан, Қырғызстан, Тәжікстан, Түрікменстан, Әзербайжан, Беларусь, Армения, Франция, БАӘ және басқа да көптеген елдің басшылары ұлттық мерекемен құттықтады.
Еске салсақ, бұған дейін Тоқаев қазақстандықтарды Республика күнімен құттықтап, мемлекеттік ту көтеру рәсіміне қатысқаны туралы жазған едік.
"Жарақатты үйде алдым деп айт": Жұмыс берушілер өндірістегі оқиғаны неге жасырады және қызметкер не істеуі керек
Жарақат алған жұмысшының құқығын қорғаудың қандай жолдары бар екенін заңгер айтты
"Мінбердегі тартыс 7 сағатқа созылды": Нұрлан Оразалин Егемендік декларациясының қалай қабылданғанын айтып берді
Нұрлан Оразалин Қазақ КСР Жоғарғы Кеңесінің XII шақырылымының депутаты болған әрі осы тарихи құжатты әзірлеуге тікелей қатысқан