Ақтөбе облысында үшем дүниеге келді
Ақтөбе облысы Қандыағаш қаласында үшем дүниеге келді. Бұл туралы Stan.kz ақпарат агенттігі хабарлайды.
Фото: Ақтөбе облыстық денсаулық сақтау басқармасы
Ақтөбе облысы Мұғалжар ауданы Қандыағаш қаласының тұрғыны Гүлсая Қалжанова өмірге үшем әкелді. Балалардың есімі – Хамза, Ибраhим, Ахмад. Үшеуі де дін аман, ертең үйіне шығады.
Ақтөбеде Қасым мен Жомарт есімді егіздер дүниеге келді
"Бұл отбасының төрт баласы бар. Бір қыз, үш ұл. Үшем өмірге келіп, енді ол 7 баланың ата-анасы атанып отыр. Анасы Гүлсая – Мұғалжар ауданы әкімдігінде іс жүргізуші, әкесі Әділхан теміржол саласында еңбек етеді. Балалардың денсаулығы жақсы. Ибрахим 2 985 гр, ал Хамза мен Ахмад 2 435 гр болып өмірге келді", – деп хабарлады Ақтөбе облыстық денсаулық сақтау басқармасы баспасөз қызметі.
Еске салсақ, осыған дейін Ақмола облысында үш жылдан бері алғаш рет үшем дүниеге келгенін жазғанбыз.
"Қазақ жігіттері эмоциясын көрсете алмайды": Бразилиялықпен көңіл жарастырған қазақстандық аруды сүйіктісінің ұлты да, жасы да алаңдатпаған
