Ақтаудағы "Итбалық" ескерткіші жарты жылға да жетпей бұзылып қалды
Ақтау жағалауындағы "Итбалық" нысаны бүліне бастады. Қалалық әкімдік өкілі бұл нысан ТКШ бөлімінің тапсырысы бойынша орнатылғанын айтты, деп хабарлайды Stan.kz ақпарат агенттігі Lada.kz. басылымына сілтеме жасап.
Жағалаудағы демалушылар "Итбалық" сәулет нысаны бүліне бастағанын байқаған.
"Сыртқы көрінісіне қарасақ, сәулет нысаны өте әлсіз. Ата-аналар балаларына өрмелеп, секіруге қалай рұқсат беретінін түсіне алмаймын. Тағы біраз уақыттан кейін бұл нысанды есептен шығара беруге болады. Бұл - көрнекті орын, оған дұрыстап қарау керек", - деді жергілікті тұрғын Бауыржан.
Қалалық әкімдік мәліметінше, нысанды ТКШ бөлімінің тапсырысы бойынша Clover Media ЖШС орнатқан. Мердігерге кемшіліктерді түзету тапсырылған.
Тот баспайтын болаттан жасалған сәулет нысаны биыл қаңтарда демеушілер қаражатына салынған еді.
Қазақстандық әженің үйін жөндеуге келген еріктілер шатырдан 8 пакет ақша тауып алған: Кейуана оны қайыр тілеп жинаған
Ерікті: "Ақшаның тең жартысы тиын"
“Мәселе мәдениетте емес”: Мамандар Қайрат Нұртастың концертіндегі халық әрекетіне баға берді
Мамандар мұндай жағдайлардың тек Қазақстанда емес, өзге елдерде де кездесетінін атап өтті