Ақмолалық тауар өндірушілері астаналық жәрмеңкеге қатысады

Еліміздің бас қаласына жақын орналасқан Ақмола облысы тек өңір тұрғындарын ғана емес, елорда тұрғындарын да азық-түлікпен үздіксіз қамтамасыз етеді.

Азық – түлік белдеуін дамыту аясында 300 шақырымдық аймақ анықталды, оған облыстың 17 ауданы кірді, деп хабарлайды ішкі саясат басқармасы.

Азық-түлік жәрмеңкелерін өткізу - елорда тұрғындарына қолайлы бағамен жергілікті өнімдерге қол жеткізу арналарының бірі болып табылады.

Осындай мақсатпен 30-31 қазан күндері Нұр-Сұлтан қаласында Ақмола облысының ауыл шаруашылығы өнімдерін өндірушілер өз өнімдерін ұсынады.

Елорда қонақтары мен тұрғындары үшін жергілікті өндірістің 50-ден астам азық-түлік түрлері қолжетімді болады. Әр түрлі экологиялық таза ассортимент: көкөністер, жемістер, сүт өнімдері, ет өнімдері және басқа да көптеген өнімдер елордалық сөрелерде нарықтық бағадан 10-15 пайызға төмен бағамен сатылады.

"Облыс аграршылары 123 тонна ет және шұжық өнімдерін, 50 тонна сүт және сүт өнімдерін, 8 тонна жаңа балық, 394 мың дана жұмыртқа, 13 тоннадан астам ұн, 164 тонна картоп, 54 тонна көкөніс, 3 тоннадан астам кондитерлік және нан - тоқаш өнімдерін және 3 тонна басқа да бакалея өнімдерін әкеледі", - деп хабарлады Ауыл шаруашылығы басқармасы.

Айта кетейік, облыстық ведомствоның мәліметінше, жәрмеңкеге 460 тоннадан астам өнім ұсынатын екі жүз саудагер қатысады.