255 қазақстандық шетелден ПТР-анықтамасыз ұшып келген

255 қазақстандық шетелден ПТР-анықтамасыз ұшып келді, деп хабарлайды Stan.kz ақпарат агенттігі. Бұл туралы COVID-19 таратпау жөніндегі ведомствоаралық комиссия мәлімдеме жасады. 

25 қазан күні түн ортасынан кейін Қазақстанға 11 халықаралық әуе рейсі келді. Онда 1483 жолаушы болған, оның ішінде анықтамалары бар - 1228, анықтамасыз - 255 Қазақстан азаматы.

• Екі күн карантинге жатқызылмайтын болды: Елге келетіндер ПТР тест нәтижесі болмаса ұшаққа кіргізілмейді


• Шетелден ұшып келген елордалықтар ПТР-тест тапсыру пунктінен қашып кетті


• Қазақстанның бас санитар дәрігерінің жаңа қаулысы жарияланды

"Оның ішінде:
Нұр-Сұлтан қаласына - төрт рейс, 434 жолаушы, анықтамалары бар - 350, анықтамалары жоқ - 84;
Алматыда - алты рейс, 939 жолаушы, анықтамалары бар - 778, анықтамалары жоқ - 161;
Шымкентке - бір рейс, 110 жолаушы, анықтамалары бар - 100, анықтамалары жоқ - 10.

Қазақстан азаматтары анықтамасыз Нұр-Сұлтан, Алматы және Шымкент қалаларында ПТР-талдау тапсыру үшін карантиндік стационарларға орналастырылды. Жолаушылар Түркия, БАӘ, Украина және Беларуссиядан халықаралық рейстермен келді.