24 жыл қатарынан гол: Криштиану Роналду тарихи жетістікке жетті
Португалиялық футбол жұлдызы Криштиану Роналду Сауд Арабиясының "Аль-Наср" клубының пайдасына тағы бір гол соқты. Осылайша кезекті тарихи жетістікке жете алды. Бұл туралы Stan.kz ақпарат агенттігі хабарлайды.
39 жастағы шабуылшы "Аль-Ухдуд" командасына қарсы ойында жеңіс голын соқты. 42-минутта Роналду пенальтиді орындады, ойын 2:1 есебімен "Аль-Насрдың" пайдасына шешілді.
Нәтижесінде Роналду кәсіби мансабында 24 жыл қатарынан гол соққан футбол тарихындағы алғашқы ойыншы болды.
Матч 3:1 есебімен "Аль-Насрдың" пайдасына аяқталды, ал Криштиану Роналду әлеуметтік желіде жаңа жетістігі туралы жазды.
"Жыл жақсы басталды", – деп жазды ол.
Криштиану Роналду кәсіби мансабында 900-ден астам гол соққан. Ол 2023 жылдан бері Сауд Арабиясының "Аль-Наср" клубында ойнайды және осы уақыт ішінде ұлттық чемпионатта немесе Азия чемпиондар лигасында бірде-бір титулды жеңе алмады. 2024 жылы португалдық жұлдыз 43 гол соқты.
Жалпы алғанда, Криштиану Роналду өз мансабында 33 жүлде жеңіп алды, оның ішінде бес Чемпиондар лигасы, Англияда үш чемпиондық, Испания мен Италияда екі рет чемпиондық, сондай-ақ ұлттық құрама сапында Еуропа чемпионатындағы жеңіс.
