"Шетелге әкеліп, телефонымды тартып алды": Танымал қазақстандық блогер алаяқтық жасады деп айыпталуда

Танымал қазақстандық блогер алаяқтық жасады деп айыпталды. Әлеуметтік желіде 20 адам алаяқтықтың құрбаны болғандығы туралы хабарлама жариялаған. Олар 700 000 теңгеге Түркияда табысты бизнес жүргізу бойынша курс сатып алған. Алайда алданған азаматтар курсты да, ақшасын да ала алмаған, тіпті қорлық көрген, деп хабарлайды Алматы арнасына сілтеме беріп Stan.kz ақпарат агенттігі.

"Мен мұндайды қасыма да тілемейтін едім. Шетелге келіп, ақша берген соң телефонымды тартып алды. Содан кейін олардың бірі маған Ұлдананың мінезі ауыр екенін және одан кешірім сұрағаным дұрыс болатынын айтты. Кешірім сұраудан басқа амалым қалмады", – деп мәлімдеді жәбірленуші Ақгүл Мұратқызы.

Блогер Ұлдана Ерқасым өз кінәсін мойындамаған, керісінше, өз клиенттеріне қолдау көрсетіп, шарттың барлық талаптарын орындағанын мәлімдейді. Алайда Ақтау қаласының полиция басқармасы алаяқтық фактісі бойынша арыз түскенін хабарлады. Қазір тексеру жүргізілуде. Зардап шеккендердің саны әлдеқайда көп болуы мүмкін.

Алматы облысында жездесі пышақтап тастаған 19 жастағы қыз оқиғаның қалай болғанын айтып берді 

"Біз қазір курс ұйымдастырушыларын Түркияға кіріп, басқаларды алдай алмайтындай етіп депортациялауға тырысып жатырмыз. Өйткені, егер олар депортацияланса, алдағы 5-6 жылда Түркияға кіре алмайды", – деді заңгер Айгүл Орынбек.

Айта кетейік, жақында заңгер әрі қоғам белсендісі Айгүл Орынбек журналист Мақпал Қаратайға алданып қалғандардың өзіне хабарласып, көмек сұрағанын айтты. Мақпал Қаратай "Түркиядан тауар алып беремін" деп 310 адамды алдады деп хабарланды.