16 мамырда Мәскеуде ҰҚШҰ-ға мүше елдердің саммиті өтеді
Ұжымдық қауіпсіздік туралы шарт ұйымына мүше елдердің саммиті 16 мамыр күні Мәскеуде өтеді. Бұл туралы Ресей президентінің баспасөз хатшысы Дмитрий Песков мәлімдеді, деп хабарлайды Stan.kz ақпарат агенттігі РИА Новости басылымына сілтеме жасап.
Қатысушылар кездесу өткізіп, іскерлік таңғы ас форматында сөйлеседі. Сөзінше, таңғы асқа Ресей президенті Владимир Путин де қатысады.
"16 мамырда ҰҚШҰ құрылуына 30 жыл толуына орай мүше елдер Мәскеуде саммит өткізеді. Бұл көшбасшылардың кездесуі әрі іскерлік таңғы аста жекелей сөйлесуі ретінде де өтеді. Шара аяқталған соң журналистерге ақпаратты ҰҚШҰ бас хатшысы Станислав Зась пен Армения премьер-министрі Николь Пашинян береді", – деді Песков.
ҰҚШҰ құрамында Армения, Белоруссия, Қазақстан, Қырғызстан, Ресей мен Тәжікстан бар.
Айта кетейік, бұған дейін Путин думаға ҰҚШҰ жарғысына өзгеріс енгізу туралы ұсыныс білдірген еді. Яғни ҰҚШҰ-ның бітімгершілік қызметі туралы келісімге тиісті өзгерістер енгізу жоспарланған.
Супермаркеттер желісі қазақстандық өндірістің макарон өнімдерін сөрелеріне қоюдан бас тартты
Сөзінше, Galmart супермаркетінің сатып алу бөлімі қазақстандық тауар премиум сапаға жатпайды деп макарон өнімін алмай қойған
2026 жылы қазақстандық жүргізушілердің айыппұлы қанша болады
Қазақстанда 2026 жылы айлық есептік көрсеткіш 4325 теңгеге өседі