Түркістан облысында төрт мемлекеттік қызметкер құмар ойын үшін қызметінен кетті
Түркістан облысында төрт мемлекеттік қызметкер лауазымдарынан айырылды. Бұл туралы Stan.kz ақпарат агенттігі хабарлайды.
Облыс прокуратурасы тексеру нәтижесінде Сарыағаш ауданындағы мемлекеттік органдардың жекелеген қызметкерлері заңнама талаптарын, қызметтік тәртіпті және мемлекеттік қызметшілерге қойылатын шектеулерді бұзып, жұмыс уақытында құмар ойындарға қатысқанын анықтаған.
Прокурорлық қадағалау актісінің нәтижесінде төрт қызметкер атқарып отырған лауазымдарынан босатылды.
“Аталған әрекеттер мемлекеттік қызмет қағидаттарына, қызметтік әдеп талаптарына қайшы келеді және мемлекеттік органдардың беделіне нұқсан келтіреді”, – делінген хабарламада.
Еске салсақ, бұған дейін Ұлытау облысында мемлекеттік қызметтегі 10 басшы құмар ойынға бәс тіккені үшін жұмыстан босатылғаны туралы жазған едік.
"Мінбердегі тартыс 7 сағатқа созылды": Нұрлан Оразалин Егемендік декларациясының қалай қабылданғанын айтып берді
Нұрлан Оразалин Қазақ КСР Жоғарғы Кеңесінің XII шақырылымының депутаты болған әрі осы тарихи құжатты әзірлеуге тікелей қатысқан
Республика күні мен Тәуелсіздік күні неге екі бөлек атап өтіледі
Саясаттанушы: "Көп жыл бойы "Неліктен 25 қазанның маңызын екінші орынға ысырып қоямыз?" деген мәселе көтерілді"