Павлодар тұрғыны 4 жасар қызын, жүкті әйелі мен енесін ұрып-соққан
Павлодар тұрғыны 4 жасар қызды, жүкті әйелі мен қайын енесін соққыға жыққан. Қыз ауруханаға жатқызылды, деп хабарлайды Stan.kz ақпарат агенттігі Polisia.kz сілтеме жасап.
Полицияға арызбен 42 жастағы қала тұрғыны жүгінген.
"Жүкті әйел күйеуінің түнде қол көтергені туралы хабарлады. Ер адам әйеліне, оның 4 жасар қызына және анасына дене жарақатын салған. Бала ауруханаға жатқызылды", – деді Павлодар облыстық ІІД бастығының орынбасары Рашад Өтеуов.
Жәбірленушінің түсіндіруінше, үйіне масаң күйде оралған ер адам оған, одан кейін анасына негізсіз дене жарақатын салған. Итерген кезде әйел ваннаға басын соғып алған. Ер адам онымен қоймай баланы өз бойының деңгейінде көтеріп, жерге лақтырып жіберген. Қыз басын еденге қатты соғып алған.
ҚР Қылмыстық кодексінің 106-бабының 1-бөлігі бойынша сотқа дейінгі тергеу амалдары жүргізілуде. Күдікті қазір қамауда отыр.
Павлодарды "біздікі" деген ресейлік стример Fassoollka жауапқа тартыла ма? Заңгер түсіндірді
Ресейлік стример Fassoollka-ға мемлекет неге үнсіз және оны қандай жаза күтіп тұр?
Қазақстандық сызылған пауэрбанкіне байланысты ұшаққа отыру кезінде қиындыққа тап болды
Әуежай өкілі: "Құрылғының бұған дейін әуе көлігімен бірнеше рет тасымалдануы қауіпсіз екеніне кепілдік бермейді"