"Жаңбыр мен бұршақ жауып, шаңды дауыл соғады": Синоптиктер 2 мамырға арналған ауа райы болжамын жариялады

Қазгидромет 2 мамырға Қазақстан аумағына арналған ауа райы болжамын жариялады. Бұл туралы Stan.kz ақпарат агенттігі хабарлайды. 

Фото: newtambov.ru

Болжам бойынша, республика бойынша оңтүстік-батыс облыстарда жаңбыр, бұршақ жауып, жел күшейіп, шаңды дауыл соғады.

"Республиканың басым бөлігінде атмосфералық фронтальды бөлімдердің өтуімен жауын-шашынды ауа райы күтіледі. 1-2 мамырда еліміздің солтүстігінде, шығысында, оңтүстік-шығысында және орталығында қатты жауын-шашын болады. Түнгі уақытта жаңбыр соңы қарға ұласуы мүмкін. Бұдан бөлек найзағай ойнайды. Еліміздің оңтүстік-шығысында бұршақ жаууып, республика бойынша екпінді жел күшейеді. Түнде солтүстік, шығыс өңірлерде тұман болады”, – делінген хабарламада.

Синоптиктердің хабарлауынша, Скандинавия аймақтарынан енген салқын антициклон жотасы әсерінен, солтүстік, шығыс және орталық аймақтарда ауа температурасы түнде 0-5 градус жылы, 1-6 градус үсікке дейін, күндіз 5-13 градус жылыға дейін күрт төмендейді.

Сондай-ақ суық фронт біртіндеп еліміздің оңтүстік аймақтарына қарай жылжиды, онда ауа температурасы түнде 2-7 градус жылы, 2 градус үсікке дейін, күндіз 15-25 градус жылуға дейін төмендейді

Синоптиктер Маңғыстаудың басым бөлігінде, оңтүстігінде, Атыраудың шығысында, батысында, оңтүстігінде, Қызылорданың орталығында, Түркістанның солтүстігінде, Абайдың оңтүстігінде, Қарағандының оңтүстігінде, Ақтөбе облыстарында қатты өрт қаупі сақталатынын хабарлады.