Жамбыл облысындағы жарылыстан қаза тапқандардың саны 12-ге жетті
Жамбыл облысында әскери қоймадағы жарылыстан көз жұмғандардың саны 12-ге жетті, деп хабарлайды Stan.kz ақпарат агенттігі.
Төтенше жағдайлар министрлігінің мәліметінше, тағы үш адамның денесі табылған.
“Жамбыл облысында болған жарылыстың салдарын жоюмен айналысқан тағы үш адамның денесі өрт аумағынан табылды. Олардың кім екендері анықталуда”, – делінген министрлік хабарламасында.
Бұған қоса, 50-ге жуық ТЖМ құтқарушылары өртпен күрес барысында зардап шеккен.
Айта кетсек, 26 тамызда Жамбыл облысындағы әскери қоймада жарылыс орын алды. Салдарынан 98 адам жарақат алып, ауруханаға жеткізілген. Тағы 12-сі көз жұмған. Жоғалып кеткендерді іздеу жұмыстары жүргізілуде.
Еске салсақ, апаттан кейін ҚР қорғаныс министрі Нұрлан Ермекбаев отставкаға кетуге дайын екенін жеткізді.
Қазақстанда күз келсе де күн неге жаздағыдай жылы: Cиноптиктер себебін айтты
Әлемдік климат тұрғысынан 2026 жылдың соңы мен 2027 жылдың алғашқы айлары маңызды кезең болмақ
Алматыдағы "Достық Плаза" маңынан түлкі байқалды: Зоолог мұның қалыпты жағдай екенін айтты
Зоолог Алексей Грачев түлкілер түрлі аурулардың, соның ішінде құтырудың тасымалдаушысы болуы мүмкін екенін де ескертеді