Зеленский мен Трамп телефон арқылы сөйлесті
Украина президенті Владимир Зеленский және АҚШ президенттігінен үміткер Дональд Трамп телефон арқылы сөйлесті. Саясаткерлердің екеуі де бұл жөнінде әлеуметтік желідегі парақшаларында хабарлады. Бұл туралы Stan.kz ақпарат агенттігі хабарлайды.
"Мен Дональд Трамппен оны республикалық партияның атынан президент сайлауына қатысатын кандидат атануымен құттықтау үшін және Пенсильваниядағы жан түршігерлік қастандық әрекетті айыптау үшін сөйлестім. Оған күш-жігер, қауіпсіздік тіледім", – деп жазды Владимир Зеленский.
Оның сөзінше, Трамппен әңгімеде ол "Украинаның бостандығы мен тәуелсіздігін АҚШ-тың қос палатасы мен қос партиясының қолдауы маңызды" екенін атап өткен. "Әлемді әділетті әрі берік ететін" қадамдарды екі саясаткер жеке кездесу кезінде талқылауға келіскен.
Трамп Зеленскиймен "өте жақсы" әңгімелескенін айтып, "АҚШ-тың президенті болған жағдайда соғысты тоқтатып, әлемге бейбітшілік әкелуге" уәде берді.
АҚШ-та президент сайлауы 2024 жылы 5 қарашада өтеді.
Мұғалімдерді аттестаттау жүйесі өзгеріп, Энрике Иглесиас концерт береді: 1 қыркүйектен бастап Қазақстанда не өзгереді?
Жаңа оқу жылынан бастап оқушыларға сабақ кезінде ұялы телефон қолдануға тыйым салынады
Алматыда әскери қызметкер сағызға қақалған қыздың өмірін қалай құтқарып қалғанын айтып берді
Хасен-Сұлтан оқиға дүкендегі бейнебақылау камерасына түсіп қалғанын айтады