"Жазамды өтеуге дайынмын": Үш адамның өліміне кінәлі деп айыпталған Zeekr жүргізушісі алқабилерден бас тартты

Алматыда Әл-Фараби даңғылында үш адамның өмірін қиған жол-көлік оқиғасы бойынша сот отырысы басталды. Бұл туралы Stan.kz ақпарат агенттігі хабарлайды.

Алматы қаласының мамандандырылған ауданаралық қылмыстық істер сотында алдын ала тыңдау өтіп жатыр. Күдікті Қылмыстық кодекстің 345-1 бабының 4-бөлігі "Мас күйінде жол қозғалысы ережелерін бұзу, нәтижесінде абайсызда екі немесе одан да көп адамның өліміне әкеп соқтыру" бойынша айыпталып жатыр. Бұл бап бойынша жаза 7 жылдан 10 жылға дейін бас бостандығынан айыру қарастырылған.

Үш кәмелетке толмаған баланың әкесі, 32 жастағы бизнесмен Александр Пак сотқа тартылды. Сот отырысында Пак көз жасын әрең ұстап, кешірім сұрады.

"Мен сіздерге қандай қайғы әкелгенімді түсінемін. Мен заңға сай жазамды өтеуге дайынмын", – деді ол.

Сотталушының адвокаты фото және бейнежазбаға тыйым салу туралы өтініш берді, себебі Пактың кәмелетке толмаған балалары үшін ауыр екенін түсіндірді. Зардап шеккен тараптың адвокаты Олег Чернов бұл мәселе соттың қарауында екенін атап өтті. Судья тек тікелей эфирге тыйым салып, фото және бейнежазбаға түсіру туралы шешім қабылдау үшін кеңес бөлмесіне кетті.

Сотталушы алқабилер сотынан бас тартты.

"Мас күйінде ол жол қозғалысы ережелерін әдейі елемей, жалған нөмірлі көлік жүргізіп, Әл-Фараби көшесімен батысқа қарай жүріп кеткен. Апат болуы мүмкін екенін болжап, сақтық шараларын қолданбаған. Жылдамдық шегінен 80 км/сағ-тан асыру арқылы ол басқа жол қозғалысына қатысушылардың өмірі мен денсаулығына қауіп төндірді. Ол Әл-Фараби көшесімен шығысқа қарай жүріп келе жатқан Mercedes көлігімен соқтығысты", – деді прокурор.

Прокурордың айтуынша, сотталушы орташа дәрежеде мас болған. Сонымен қатар сараптамаға сәйкес, Zeekr көлігінің қарсы қозғалысқа шыққаннан кейінгі жылдамдығы сағатына 219 км болуы мүмкін еді.

Жол апаты туралы толығырақ

21 наурыз күні Алматыдағы Әл-Фараби даңғылы мен Меңдіқұлов көшесінің қиылысында жантүршігерлік жол апаты болды. Салдарынан үш адам қаза тапты. 

Zeekr маркалы автокөліктің жүргізушісі батыс бағытта келе жатып қарсы жолаққа шығып, жолдағы қарсы бағыттағы Mercedes көлігімен соқтығысқан. Апат салдарынан 29 жастағы Mercedes жүргізушісі мен 20 және 23 жастағы екі жолаушы оқиға орнында көз жұмды. Zeekr көлігінің жүргізушісі әртүрлі жарақаттармен ауруханаға жеткізілді.

Айта кетейік, мәжіліс депутаты Мұрат Әбенов Әл-Фараби даңғылында үш адамның өмірін қиған жол апатына Алматы полиция департаментінің жоғары лауазымды қызметкерінің қатысы болуы ықтимал деп санайды.

26 наурыз күні депутат өзінің әлеуметтік желідегі парақшасында жазба жариялады.

“Алматы полициясының жоғары лауазымды қызметкерінің көлік жарысына қатысы бар ма? Әл-Фараби даңғылындағы жарысқа қатысқан қатысушылардың бірі полицей болуы мүмкін деген күдік бар. Бұл жарыс үш адамның өмірін қиды. Сондықтан бәрін жасырып отыр. Ішкі істер министрлігінен түсініктеме беруін сұраймын”, – деп жазды Мұрат Әбенов.

Ол жариялаған видеода ер адам жарысқа полиция департаментінің бір бөлімше бастығының орынбасары өз қызметтік көлігімен қатысқанын айтқан.

Бейресми мәліметтерге сенсек, ішкі істер органдарының қызметкері, полиция департаменті басшысының орынбасары Ержан Ұзабаевтың қатысы болуы мүмкін. Алайда полиция бұл ақпаратты растамады, бірақ жоққа да шығармады.

Артынша, жол апатына байланысты полиция департаментінің бірнеше басшысы қызметінен босатылды.

Бұл туралы ішкі істер министрі Ержан Саденов хабарлады. Министр жол апатында қаза тапқандардың отбасылары мен жақындарына көңіл айтты.

Ішкі істер министрлігінің ресми өкілі Шыңғыс Алекешев министрдің бұйрығымен Алматы қаласы полиция департаменті бастығының сыртқы қызметтер мен жол қауіпсіздігін қадағалайтын орынбасары, сондай-ақ әкімшілік полиция және қоғамдық қ