Ұлттық банк төрағасы өздерін "алып сусиырға" теңеді

Фото: Ұлттық банк

Ұлттық банк төрағасы өзін және әріптестерін "тез икемделе алмайтын сусиыр" деп атады. Тимур Сүлейменов қазақстандықтарға барлық зейнетақы жинағын жеке қорларға аударуға мүмкіндік беру туралы ұсынысқа пікір білдірді. Бұл туралы Stan.kz ақпарат агенттігі хабарлайды. 

Қаржы реттеушісінің басшысы зейнетақы жинағын жеке қорға аударуға қарсы емес.

"Біз БЖЗҚ ретінде 27 триллионды басқарамыз. Біз – алып сусиырмыз. Біз кішігірім зейнетақы қорлары сияқты тез икемделе алмаймыз. Біз әлі жұмыс істеп жатқанда, олар портфельдерін қайта бөліп, қайта құрылымдап, әртүрлі кірістер алып жатыр. Бұл жақсы, азаматтардың таңдау мүмкіндігі болу керек. Сондықтан мен қолдаймын", – деді Ұлттық банк төрағасы Тимур Сүлейменов.

"Демек жариялауға негіз болмаған": Ұлттық банк төрағасы неліктен декларация тапсырмағанын айтты

Сүлейменов тіпті зейнетақы жинақтарының бір бөлігін жеке қорға аударуды қарастырып жатқанын мойындады. Дегенмен БЖЗҚ-дан жинақтардың жартысынан көбін нарыққа аударуға рұқсат берілсе де, Ұлттық банк басшысы әлі мұны істемеді.

Еске сала кетейік, өткен аптада үкімет қазақстандықтарға барлық зейнетақы жарнасын жеке инвестициялық компанияларда сақтауға рұқсат беру ниетін жариялады. Әлі түпкілікті шешім қабылданған жоқ.