UFC-дегі жалғыз қазақстандық қыз есірткі қолдануы мүмкін бе – Федерация президенті пікір білдірді
Қазақстан ММА және панкратион федерациясының президенті Сағындық Мекеев "Sports True" Youtube арнасына берген сұхбатында Мария Агаповаға тағылған айып жайлы пікір білдірді, деп хабарлайды Stan.kz ақпарат агенттігі sports.kz сайтына сілтеме жасап.
Мария Агапова соңғы жеңісінен кейін жекпе-жектен шеттетілді
"Машаның мұндайға жол бермейтініне сенемін. Әрі, бұл – UFC, мұнда спортшыларды ай сайын тексереді. Кез келген уақытта келіп, тексере алады. Егер мәселе допингте емес, есірткіде болса, Джонсон да бірнеше рет марихуана қолданып, ұсталған болатын. Қазір қалай екенін білмеймін, бірақ бұрын бұған тыйым салынатын. Марихуана ешқандай күш бермейді, тек спортшыны тыныштандырады. Әрине, мұны санаулы спортшы ғана тұтынады. Ал тыйым салынған медициналық препараттар үшін екі жылға спорттан шектетіледі. Бұл мерзім кезінде де UFC бақылап отырады", – деді Мекеев.
Айта кетейік, украиналық спортшы Марина Мороз Мария Агапованы есірткі қолданады деп айыптаған болатын.
Маска мен мұрын фильтрі алматылықтарды лас ауадан расымен қорғай ма: Мамандар құралдардың қайсысы тиімді екенін түсіндірді
Масканың көмегі болуы үшін оның FFP2 немесе N95 түрін таңдау керек
Екі күнде үш рет төтенше жағдайда қонды: Авиация сарапшысы қыс мезгілінде ұшудың қаншалық қауіпті екенін айтты
Абыл Кекілбаев төтенше қонулар авиакомпанияларға тек ерекше жағдайда ғана жасалатынын айтты