Түркияда қиранды астында он күн жатқан 77 жастағы әжей құтқарылды
Түркияда құтқарушылар қираған ғимарат астында он күн бойы жатқан 77 жастағы әжейді аман алып шықты, деп хабарлайды Stan.kz ақпарат агенттігі КТК телеарнасына сілтеме жасап.
Адыяман қаласында қариядан бөлек, 12 жастағы бала да дін-аман табылды. Сондай-ақ 222 сағат бойы үйінді астында жатқан 44 жастағы әйел Қахраманмараш қаласынан табылған. Мұндай ғажайыпқа қуанған Түркия жұртшылығы ел президенті Режеп Тайып Ердоғаннан іздестіру жұмысын тоқтатпауды сұрайды.
Мемлекет басшының келтірген дерегі бойынша зілзала болған аймаққа Түркияның 71 провинциясынан 250 мыңға жуық мемлекеттік қызметкер тартылған. Олардың 35 мыңы іздестіру-құтқару жұмысына қатысып жатыр. Бұған қоса 12 жарым мыңға жуық құрылыс техникасы, 76 ұшақ пен 26 кемені пайдаланып жатыр. Түркия билігі наурыз айында 30 мың тұрғын үйдің құрылысын бастайтынын хабарлады.
Қазақстандық мұғалімдер жұмыстан тыс уақытта түнгі рейдке шығуға әлі де мәжбүр екенін айтты: Оқу-ағарту министрлігі не дейді
Мұндай істі міндеттесе мектеп басшылығына 86 500 теңге мөлшерінде айыппұл салынады
Түркістандық көпбалалы ана үйіне келіп жәрдемақыдан бас тартуды талап еткендерге шағымданды
Әсел: "Сөйте тұра маған “сіз А категориясындағы отбасына жатасыз" деді"