Түркістанда 40 жастағы әйел үшем босанып, 8 баланың анасы атанды
Түркістан тұрғыны 40 жасында үшем босанды. Бұл туралы Stan.kz ақпарат агенттігі хабарлайды.
Бәйдібек ауданының тұрғыны, 40 жастағы көпбалалы ана Жансауле Доспанова үш ұлды дүниеге алып келді. Қазіргі таңда мерзімінен бұрын туған сәбилердің жағдайы қалыпты. Нәрестелерге жансақтау бөлімінің мамандары тарапынан да ерекше күтім жасалған.
Үш ұлға туыстары Нариман, Нұриман және Нұрман есімдерін қойды.
Жансауле Доспанова үшем босанатынын алғаш естіген кезде қатты қобалжығанын айтады.
"Күтпеген жерден дәрігерге қаралып, үшемді болатынымды естігенде басқаша сезімде болдым. Жалпы, 5 балалы болған соң, сәбилі болуды жоспарламағанбыз", – дейді ол.
Еске салсақ, бұған дейін Шымкентте үш балалы отбасыда үшем дүниеге келгені туралы жазған едік.
Шымкентте әскерге барудан қашқан 23 жастағы жігіт үшінші қабаттан секіріп комаға түсті
Жанна: “Ұлыма қысым көрсеткендер әскери комиссариат қызметкерлері болмай шықты”
Қазақстандық әйел липосакция жасатамын деп өлім аузынан қалды: Оған отаны мейіргер жасаған
Бану: "Оның процедура өткізуге ешқандай рұқсаты болмаған"